Karthika Deepam: వంటలక్క ఈజ్ బ్యాక్.. టీఆర్పీ రేటింగ్‏లో కార్తీకదీపం జోరు.. రెండవ స్థానంలో ఏ సీరియల్ అంటే..

కార్తీక దీపం..బుల్లితెరపై ఓ సెన్సెషన్. ఈ సీరియల్‏కు కంటెంట్ ఒక బలం అయితే.. వంటలక్క అలియాస్ దీప (ప్రేమీ విశ్వనాథ్) మరో బలం. దీప నటవిశ్వరూపం, హావాభావాలు, ఎమోషన్ పండించే సీన్స్ టెలివిజన్ ఆడియన్స్‏ను ఆకట్టుకున్నాయి. ఈ సీరియల్ నుంచి కార్తీక్, దీప, మోనిత పాత్రలను తప్పించడంతో నాలుగేళ్లుగా అగ్రస్థానంలో కొనసాగుతున్న కార్తీక దీపం పడిపోయింది. ఇక ప్రస్తుతం ప్లాష్ బ్యాక్ స్టోరీ నడుస్తోంది. దీంతో దీప, కార్తీక్, మోనిత పాత్రలు తిరిగి రావడంతో ఊహించినట్లుగానే టీఆర్పీ రేటింగ్ మారిందట. ఆగస్ట్ 15న ప్రసారమైన దీప రీఎంట్రీ ఎపిసోడ్ కు ప్రేక్షకుల సంఖ్య గణనీయంగా పెరిగింది. ఈ వారం పూర్తి టీఆర్పీ నివేదిక ప్రకారం కార్తీక దీపంలో టాప్ లో ఉన్నట్లు తెలుస్తోంది.

డాక్టర్ బాబు తిరిగి రావడం.. మోనిత, దీప వేరు వేరుగా కార్తీక్ కోసం వెతకడం ఆసక్తిని కలిగిస్తోంది. దీంతో కార్తీక దీపం వీక్షించే ఆడియన్స్ సంఖ్య మళ్లీ పెరుగుతుంది. దీప, కార్తీక్ తిరిగిరావడంతో మరోవైపు సోషల్ మీడియా కూడా షేక్ అయిన సంగతి తెలిసిందే. వంటలక్క ఈజ్ బ్యాక్ అంటూ హ్యాష్ ట్యాగ్ ట్రెండ్ అయ్యింది. దీప కోమా నుంచి కోలుకున్న ప్రోమోకు మిలియన్ వ్యూస్ వచ్చాయట. గత కొద్ది రోజులుగా టీఆర్పీలో అట్టడుగున పడిపోయిన కార్తీక దీపం ఇప్పుడు అగ్రస్థానంలో నిలిచింది. మొదటి స్థానంలో కార్తీక దీపం ఉండగా.. రెండవ స్థానంలో గుప్పెడంత మనసు నిలిచింది. రిషి, వసుధార తమ ప్రేమ, పెళ్లి, ఫెర్వెల్ పార్టీలతో సందేహపడడం.. ఒకరిపై మరొకరి ప్రేమను తెలిపేందుకు ప్రయత్నచడం వంటి ఆసక్తికర కంటెంట్ తో ఆడియన్స్ ను ఆకట్టుకుంటూ ఇతర సీరియల్స్ కు గట్టిపోటినిస్తూ రెండవ స్థానంలో కొనసాగుతుంది అలాగే ఇంటింటి గృహాలక్ష్మి మూడవ స్థానంలో నిలిచింది. ఇక దేవత సీరియల్ నాల్గవ స్థానంలో నిలవగా.. జానకి కలగనలేదు సీరియల్ ఐదవ స్థానంలో నిలిచింది.