HIT 2 : సూపర్ హిట్ టాక్ తెచ్చుకున్న హిట్ 2కు భారీ క్రేజ్.. ఓటీటీ స్ట్రీమింగ్ రైట్స్ డీల్ సెట్
పర్‌ఫెక్ట్ ఇన్వెస్టిగేష‌న్ థ్రిల్ల‌ర్‌ను ప్రేక్షకుల ముందుకు తీసుకొచ్చారు. మీనాక్షి చౌద‌రి ఇందులో అడివి శేష్ జోడీగా న‌టించింది. న్యాచురల్ స్టార్ నాని స‌మ్ప‌ర‌ణ‌లో వాల్ పోస్ట‌ర్ సినిమా బ్యాన‌ర్‌పై ప్ర‌శాంతి త్రిపిర్‌నేని ఈ సినిమాను నిర్మించారు.
Updated on: Dec 03, 2022 | 7:27 AM
అడవి శేష్ నటించిన హిట్ 2 సినిమా నిన్న (శుక్రవారం) ప్రేక్షకుల ముందుకు వచ్చిన విషయం తెలిసిందే. శైలేష్ దర్శకత్వం వహించిన ఈ సినిమా మంచి విజయాన్ని అందుకుంది. పర్‌ఫెక్ట్ ఇన్వెస్టిగేష‌న్ థ్రిల్ల‌ర్‌ను ప్రేక్షకుల ముందుకు తీసుకొచ్చారు. మీనాక్షి చౌద‌రి ఇందులో అడివి శేష్ జోడీగా న‌టించింది. న్యాచురల్ స్టార్ నాని స‌మ్ప‌ర‌ణ‌లో వాల్ పోస్ట‌ర్ సినిమా బ్యాన‌ర్‌పై ప్ర‌శాంతి త్రిపిర్‌నేని ఈ సినిమాను నిర్మించారు. ఇక ఈ సినిమా గతంలో వచ్చిన హిట్ సినిమాకు సీక్వెల్ గా వచ్చింది ఈ మూవీ..ఓ సక్సెస్ ఫుల్ సినిమాకు సీక్వెల్ అన్నపుడు కచ్చితంగా ఆ ప్రెజర్ ఉంటుంది. దాన్ని సరిగ్గా హ్యాండిల్ చేసి.. అంచనాలు అందుకుంటేనే రిజల్ట్ పాజిటివ్‌గా ఉంటుంది. ఈ విషయంలో ‘హిట్’ దర్శకుడు శేలేష్ కొలను సక్సెస్ అయ్యాడు. అడివి శేష్ మరోసారి అద్భుతంగా నటించాడు.. స్క్రీన్ మీద హిట్ ఆఫీసర్‌గా సూపర్ హిట్ అయ్యాడని అంటున్నారు సినిమా చూసిన ప్రేక్షకులు.
ఇక ఇప్పుడు ఈ సినిమా ఓటీటీ కోసం భారీ బిజినెస్ జరిగిందని తెలుస్తోంది. అలాగే ఓటీటీ స్ట్రీమింగ్ కు డీల్ సెట్ అయ్యిందని తెలుస్తోంది. అమెజాన్ ప్రైమ్ వీడియో హిట్ 2 సినిమా హక్కులను కూడా కైవసం చేసుకుందని తెలుస్తోంది. ముందుగా ఈ సినిమా హక్కులను డిస్ని హాట్ స్టార్ సొంతచేసుకోవాలని ప్రయత్నించినా.. ఫైనల్ గా అమెజాన్ హిట్ 2 ఓటీటీ స్ట్రీమింగ్ రైట్స్ ను భారీ ధరకు కొనుగోలు చేసిందని తెలుస్తోంది.
ఇక హిట్ 2 సినిమాకు భారీ ఓపినింగ్స్ వచ్చాయి. శేష్ కెరీర్ లో బిగెస్ట్ ఓపినింగ్స్ వచ్చిన సినిమాగా హిట్ 2 నిలిచిందని తెలుస్తోంది. అలాగే ఈ సినిమాలో రావు ర‌మేష్‌, శ్రీనాథ్‌ మాగంటి, కోమ‌లి ప్రసాద్ త‌దిత‌రులు ఇత‌ర కీలక పాత్ర‌ల్లో న‌టించారు. ఇక త్వరలో హిట్ 3 సినిమా రానుందని హింట్ ఇచ్చారు.
