‘జెర్సీ’ డైరెక్టర్‌తో రామ్ చరణ్ మూవీ..?

మెగా పవర్ స్టార్ రామ్ చరణ్ ప్రస్తుతం రాజమౌళి డైరెక్షన్‌లో “రౌద్రం రణం రుధిరం” అనే భారీ పీరియాడిక్ చిత్రంలో నటిస్తున్న సంగతి తెలిసిందే. ఈ సినిమాలో అల్లూరి సీతారామరాజు పాత్ర పోషిస్తున్న చరణ్‌ సరసన బాలీవుడ్ బ్యూటీ అలియా భట్ హీరోయిన్‌గా నటిస్తోంది. ఈ మూవీతో పాటుగా చరణ్.. చిరంజీవి హీరోగా తెరకెక్కుతున్న ‘ఆచార్య’లో కూడా ఓ కీలక పాత్రలో కనిపించనున్నారు.

ఇక ఈ రెండు ప్రాజెక్టులు అనంతరం చెర్రీ చేయబోయే నెక్స్ట్ ప్రాజెక్టుకు పలువురు దర్శకులు పేర్లు వినపడగా.. తాజాగా ఆ లిస్టులోకి ‘మళ్ళీ రావా’ ఫేం గౌతమ్ తిన్ననూరి పేరు కూడా చేరింది. నాని హీరోగా తెరకెక్కిన ‘జెర్సీ’ సినిమాతో ఈ డైరెక్టర్ టాలీవుడ్ ప్రేక్షకులకు మరింత దగ్గరయ్యారు. మరి చరణ్ తర్వాత సినిమాకు ఏ దర్శకుడికి ఛాన్స్ ఇస్తారో వేచి చూడాలి.