Ruhani Sharma: చిలసౌ హీరోయిన్కు బంఫర్ ఆఫర్.. బాలీవుడ్ ఛాన్స్ దక్కించుకున్న రుహానీ..
పూజా హెగ్డే, రష్మిక మందన్న, సమంత, రకుల్ ప్రీత్ సింగ్.. దక్షిణాది సినీ పరిశ్రమ నుంచి బాలీవుడ్ వెళ్లిన ముద్దుగుమ్మలు. ఇప్పుడు ఈ జాబితాలో మరో అందాల తార చేరింది.
Updated on: Dec 02, 2021 | 2:12 PM
పూజా హెగ్డే, రష్మిక మందన్న, సమంత, రకుల్ ప్రీత్ సింగ్.. దక్షిణాది సినీ పరిశ్రమ నుంచి బాలీవుడ్ వెళ్లిన ముద్దుగుమ్మలు. ఇప్పుడు ఈ జాబితాలో మరో అందాల తార చేరింది. ఆమే సిమ్లా బ్యూటీ రుహానీ శర్మ. మూడేళ్ల క్రితం ‘చి.ల.సౌ’ సినిమాలో అంజలీగా పరిచయమైన ఈ ముద్దుగుమ్మ మొదటి సినిమాతోనే మంచి పేరు తెచ్చుకుంది. ఆ తర్వాత విశ్వక్ సేన్ సరసన ‘హిట్’, ‘డర్టీ హరి’ ఇటీవల అవసరాల శ్రీనివాస్ హీరోగా వచ్చిన ‘101 జిల్లాల అందగాడు’ వంటి సినిమాల్లో నటించి మెప్పించింది. తన అందం, అభినయంతో టాలీవుడ్లో రాణిస్తో్న్న ఈ సొగసరి ఇప్పుడు బాలీవుడ్లో కూడా తన అదృష్టం పరీక్షించుకునేందుకు సిద్ధమవుతోంది. అందుకు తగ్గట్లే ఓ హిందీ సినిమాలో ఆమెకు అవకాశం దక్కింది.
‘లూటెరా’, ‘ఛప్పాక్’, ‘కార్గో’, ‘హసీనా దిల్రుబా’ వంటి సినిమాలతో ప్రశంసలు అందుకున్న విక్రాంత్ మాసే హీరోగా ప్రస్తుతం బాలీవుడ్లో ఓ సినిమా రూపొందుతోంది. దేవాంగ్ భవసార్ అనే కొత్త దర్శకుడు ఈ సినిమాను తెరకెక్కి్స్తున్నాడు. కాగా ఈ సినిమా కోసం పలువురు మోడల్స్, హీరోయిన్స్ను పరిశీలించింది చిత్రబృందం. అయితే ఫైనల్గా రుహానిని ఎంపిక చేసిందట. త్వరలోనే ఈ విషయాన్ని అధికారికంగా ప్రకటించనున్నట్లు సమాచారం. కాగా గతంలో ‘పాయిజన్’ అనే ఓ హిందీ వెబ్సిరీస్లో నటించింది రుహానీ. అదేవిధంగా పలు మ్యూజిక్ వీడియోలు, ఆల్బమ్స్లోనూ ఆడిపాడింది.
Also Read:
Akhanda Movie: ఎల్లలు దాటిన అభిమానం.. డల్లాస్ను మోత మోగించిన బాలయ్య ఫ్యాన్స్..
Acharya: ఆ సన్నివేశం తీసేప్పుడు చిరు అభిమానిగా ఎంతో సంతోషించా.. ఆసక్తికర విషయం తెలిపిన కొరటాల..
