Bigg Boss 10 Telugu : దద్దరిల్లిపోయిన ఎపిసోడ్.. సుధీర్‏కు ఇచ్చిపడేసిన సృష్టి.. వంశీకి రాంప్రసాద్ సూచన..

బిగ్‌బాస్ రియాలిటీ షో అంటేనే ఊహించని మలుపులు, నామినేషన్ల వేడి, హౌస్‌మేట్స్ మధ్య రగిలే వివాదాలు. తాజాగా సెప్టెంబరు 21న సోమవారం నాటి ఎపిసోడ్ నామినేషన్ల ప్రక్రియతో అత్యంత రసవత్తరంగా, సంచలనాత్మకంగా సాగింది. మూడో వారం నామినేషన్ ప్రక్రియలో కంటెస్టెంట్లు ఒక్కొక్కరు తమ మాస్క్ ను వీడేలా ఉన్నారు. సుధీర్, వర్షిణి, ముఖేష్ టీం మాత్రం త్రిగుణ్ పై రెచ్చిపోయారు. అలాగే సుధీర్, సృష్టి, త్రిగుణ్ మధ్య జరిగిన గొడవ ఈ ఎపిసోడ్ కే హైలెట్ అయ్యింది. ఎపిసోడ్ ప్రారంభంలో బిగ్‌బాస్ ముకేశ్‌ని సీక్రెట్ రూమ్‌కి పిలిచి ఒక ముఖ్యమైన ఆప్షన్ ఇచ్చారు. కెప్టెన్ అయిన ఝాన్సీ కెప్టెన్సీని తాను తీసుకోవడమా? లేక ఆమె పవర్స్ లాక్కొని ఆమెను టెన్షన్‌లో పెట్టడమా? అనే రెండు దారుల్లో ముకేశ్ రెండో దారిని ఎంచుకున్నాడు. దీంతో ఝాన్సీకి ఉన్న ప్రత్యేక అధికారాలు కోల్పోవాల్సి వచ్చింది. ఈ వారం నామినేషన్ల ప్రక్రియలో పోటీపడి ఎన్విలప్‌లు పొందిన కంటెస్టెంట్లు నామినేట్ చేసే అవకాశం దక్కించుకున్నారు.

ఎక్కువ మంది చదివినవి : Cinema : వెంకటేశ్ హీరోగా లవ్ స్టోరీ.. తమిళంలో బ్లాక్ బస్టర్ హిట్.. తెలుగులో పెద్ద డిజాస్టర్..

మొదట రాంప్రసాద్, వంశీని నామినేట్ చేస్తూ అతడు ఆహారం వడ్డించేటప్పుడు పెద్దగా అరుస్తున్నాడని కారణం చెప్పాడు. ఈ క్రమంలో మానిటర్ దేబ్‌జానీ, వర్షిణిలకు మధ్య తీవ్ర వాగ్వాదం జరిగింది. నామినేట్ చేసిన వారిపై చెత్త వేసే ప్రక్రియలో భాగంగా వంశీపై చెత్త వేయగా, ‘అన్నం పెట్టిన వారిపైనే చెత్త వేశారు’ అని త్రిగుణ్ కామెంట్ చేయడం వాతావరణాన్ని మరింత వేడెక్కించింది. రాంప్రసాద్ తనకు వచ్చిన రెండో అవకాశాన్ని రోహిత్‌కు ఇవ్వగా, రోహిత్ సుధీర్‌ను నామినేట్ చేశాడు. సుధీర్ వర్షిణి చెప్పినట్లు ఆడుతున్నాడని, సొంత నిర్ణయాలు తీసుకోవడం లేదని ఆరోపించాడు.

ఎక్కువ మంది చదివినవి : Folk Song: అబ్బబ్బ ఏమున్నది పాట.. డీజేలో మోత మోగిపోతుందిగా.. వింటే స్టెప్పేయాల్సిందే..

ఈ ఎపిసోడ్‌కే హైలైట్‌గా నిలిచింది సృష్టి, సుధీర్‌ల మధ్య జరిగిన గొడవ. హౌస్‌లో తమ మధ్య ఏదో ఉందనే చర్చ జరగడంపై సృష్టి తీవ్ర అసహనం వ్యక్తం చేసింది. తనతో కంటెంట్ చేయడం కోసమే సుధీర్ ప్లాన్ చేశాడని త్రిగుణ్ చెప్పడంతో సృష్టి సహనం కోల్పోయింది. సుధీర్ “నాకు ఇప్పుడు ఫ్రీడమ్ వచ్చింది” అని అనడంతో కోపంతో ఊగిపోయిన సృష్టి, “నేనేమైనా నీ వెనుక పడ్డానా? నోరు అదుపులో పెట్టుకో, పళ్లు రాలగొడతా” అంటూ తీవ్రస్థాయిలో విరుచుకుపడింది. ఆ తర్వాత షాలిని దగ్గర బాధపడుతూ కన్నీళ్లు పెట్టుకుంది. మొత్తానికి సెప్టెంబరు 21న ప్రసారమైన ఈ ఎపిసోడ్ నామినేషన్ల ప్రక్రియతో హౌస్‌లోని పాత స్నేహాలు, బంధాలలో వచ్చిన చీలికలను బయటపెట్టి, రాబోయే రోజుల్లో ఆట మరింత తీవ్రంగా మారనుందని స్పష్టం చేసింది.

ఎక్కువ మంది చదివినవి : Udaya Bhanu: పస్తులు ఉండి ఇతరులకు అన్నం పెట్టిన గొప్ప వ్యక్తి ఆయన.. చివరకు అలాంటి పరిస్థితుల్లో.. ఉదయభాను ఎమోషనల్..

ఎక్కువ మంది చదివినవి : Udaya Bhanu: పస్తులు ఉండి ఇతరులకు అన్నం పెట్టిన గొప్ప వ్యక్తి ఆయన.. చివరకు అలాంటి పరిస్థితుల్లో.. ఉదయభాను ఎమోషనల్..