ఆకట్టుకుంటోన్న ‘మిస్టర్ లోకల్’ ట్రైలర్

శివ కార్తికేయన్, నయనతార హీరో హీరోయిన్లుగా ‘బాస్ ఎంగిర భాస్కరన్’ ఫేమ్ ఎమ్.రాజేష్ తెరకెక్కిస్తున్న చిత్రం ‘మిస్టర్ లోకల్’. కామెడీ ఎంటర్టైనర్ గా రూపొందుతున్న ఈ చిత్రంలో శివ కార్తికేయన్ మనోహర్ పాత్రలో కనిపిస్తుండగా.. నయనతార కీర్తన వాసుదేవన్ పాత్ర పోషిస్తోంది. వీరిద్దరి మధ్య ఫన్నీ ఫైట్స్‌ని ట్రైలర్‌లో చూపించారు. హిప్ హప్ తమిజ్ సంగీతం అందిస్తున్న ఈ చిత్రాన్ని స్టూడియో గ్రీన్ బ్యానర్ పై ప్రముఖ నిర్మాత జ్ఞానవేల్ రాజా నిర్మిస్తున్నారు. మే 1న రిలీజ్ కావాల్సిన ఈ చిత్రం నెలాఖరుకి ప్రేక్షకుల ముందుకు రానుందని సమాచారం. శివ కార్తికేయన్, నయనతార కాంబినేషన్‌లో వస్తున్న రెండో చిత్రిమది. వీరిద్దరూ ‘వెలైక్కారన్‌’ చిత్రంలో జంటగా నటించిన విషయం విదితమే.