Shyam Singha Roy: షూటింగ్‌‌‌‌కు గుమ్మడికాయ కొట్టేసిన శ్యామ్ సింగరాయ్ టీమ్.. త్వరలోనే..

Shyam Singha Roy: నేచురల్ స్టార్ నాని వరుస సినిమాలతో ప్రేక్షకులను అలరించడానికి సిద్ధం అవుతున్నాడు. ఈ క్రమంలోనే త్వరలో టక్ జగదీష్ అనే సినిమాను రిలీజ్ చేయనున్నాడు. శివ నిర్వాణ దర్శకత్వంలో తెరకెక్కిన ఈ సినిమాలో రీతువర్మ హీరోయిన్ గా నటిస్తోంది. ఈ సినిమాతోపాటు శ్యామ్ సింగరాయ్ అనే సినిమాను కూడా చేస్తున్నాడు. ఈ సినిమాకు టాక్సీవాలా సినిమాతో హిట్ అందుకున్న రాహుల్‌ సాంకృత్యన్‌ దర్శకత్వం వహిస్తున్నారు. ఈ పిరియాడికల్ కాన్సెప్ట్‌‌‌తో తెరకెక్కుతోన్న ఈ సినిమాలో నాని డిఫరెంట్ లుక్‌‌‌‌లో కనిపించనున్నాడు.ఇప్పటికే విడుదలైన పోస్టర్లు సినిమా పైన ఆసక్తిని క్రియేట్ చేశాయి. ఇక ఈ సినిమాలో ముగ్గురు హీరోయిన్లు నటిస్తున్నారు. సాయిపల్లవి, మడోనా సెబాస్టియన్, ఉప్పెన బ్యూటీ కృతిశెట్టి ఈ సినిమాలో నటిస్తోన్నారు. ఈ చిత్రాన్ని నిహారిక ఎంటర్‌టైన్‌మెంట్‌ సంస్థ నిర్మిస్తుంది. రాహుల్‌ రవీంద్రన్‌, మురళీ శర్మ కీలకపాత్రలో కనిపించనున్నారు.

తాజాగా ఈ సినిమా షూటింగ్  పూర్తయ్యింది. కరోనా కారణంగా ఈ సినిమా ఎక్కువ భాగం సెట్‌‌‌‌లోనే జరిగింది. ఈ సినిమాకోసం కలకత్తా వీధులు, అలాగే కాళీ మాత టెంపుల్ సెట్స్‌‌‌‌ను వేశారు. సినిమా షూటింగు పార్టును పూర్తిచేసుకుందనే విషయాన్ని మేకర్స్ అధికారికంగా తెలియజేశారు. ఈ సినిమాను సంక్రాంతి బరిలో దింపే అవకాశాలు కనిస్తున్నాయి. ఈ సినిమా తర్వాత ‘అంటే సుందరానికి’ అనే సినిమాను చేస్తున్నాడు నాని. ఈ సినిమాలో నజ్రియా హీరోయిన్‌‌‌‌గా నటిస్తోంది.

మరిన్ని ఇక్కడ చదవండి : 

Regina Cassandra: బాలీవుడ్ బంపర్ ఆఫర్ దక్కించుకున్న రెజీనా.. ఆ రీమేక్‌‌‌‌లో ఛాన్స్..

నారప్ప జోరు తగ్గేలోగానే మరో సినిమాతో రానున్న వెంకటేష్.. ఆ సినిమాను కూడా ఓటీటీలోనే..

Jayanthi Death: సినీ ఇండస్ట్రీలో విషాదం.. అనారోగ్యంతో సీనియర్ నటి జయంతి కన్నుమూత..