RGV: పునీత్‌ రాజ్‌కుమార్‌ సమాధిని సందర్శించిన వర్మ.. ఆయన లేరన్న విషయాన్ని నమ్మలేకపోతున్నానంటూ..

RGV: కన్నడ పవర్‌ స్టార్‌ పునీత్‌ రాజ్‌ కుమార్‌ (Puneeth Rajkumar) లేరన్న వార్తను ఆయన అభిమానులు ఇప్పటికీ జీర్ణించుకోలేక పోతున్నారు. కోట్లాది మంది అభిమానులను సంపాదించుకున్న ఈ స్టార్‌ హీరో హఠాన్మరణంతో కన్నడ సినీ పరిశ్రమ ఒక్కసారిగా దిగ్భ్రాంతికి గురైన విషయం తెలిసిందే..

Rgv

Narender Vaitla |

Updated on: Mar 29, 2022 | 6:39 PM

RGV: కన్నడ పవర్‌ స్టార్‌ పునీత్‌ రాజ్‌ కుమార్‌ (Puneeth Rajkumar) లేరన్న వార్తను ఆయన అభిమానులు ఇప్పటికీ జీర్ణించుకోలేక పోతున్నారు. కోట్లాది మంది అభిమానులను సంపాదించుకున్న ఈ స్టార్‌ హీరో హఠాన్మరణంతో కన్నడ సినీ పరిశ్రమ ఒక్కసారిగా దిగ్భ్రాంతికి గురైన విషయం తెలిసిందే. పునీత్‌ రాజ్‌కుమార్‌ను ఆయన అభిమానులు ఇప్పటికీ ఎంతగా ఇష్టపడుతున్నారో చెప్పడానికి ఇటీవల విడుదలైన ఆయన చివరి చిత్రం జేమ్స్‌ ఉదాహరణ. ఈ సినిమా బాక్సాఫీస్‌ వద్ద మంచి విజయాన్ని సొంతం చేసుకుంది. థియేటర్లలో తమ అభిమాన హీరోని చూసిన అభిమానులు కంట తడి పెట్టుకున్న వీడియోలు నెట్టింట వైరల్‌గా మారాయి.

ఇదిలా ఉంటే పునీత్‌ మరణానంతరం బెంగళూరులో ఆయన జ్ఞాపకార్థం స్మృతివనాన్ని ఏర్పాటు చేశారు. ఈ ప్రాంతానికి ప్రతీ రోజూ ఆయన ఫ్యాన్స్‌ పెద్ద ఎత్తున హాజరవుతున్నారు. ఈ క్రమంలోనే తాజాగా దర్శకుడు రామ్‌ గోపాల్‌ వర్మ కూడా పునీత్ స్మృతివనాన్ని సందర్శించారు. తన లేటెస్ట్‌ చిత్రం ‘మా ఇష్టం’ ప్రమోషన్స్‌లో భాగంగా బెంగళూరు వెళ్లిన వర్మ పునీత్‌ ఘాట్‌ను సందర్శించి, ఆయన సమాధికి నివాళులు అర్పించారు. ఈ సందర్భంగా పునీత్‌తో తనకున్న సాన్నిహిత్యాన్ని పంచుకున్నారు వర్మ.

Met #PuneethRajkumar a few times while shooting for #KillingVeerappan ..Still can’t believe he is no more pic.twitter.com/88ZZzpAmHS

— Ram Gopal Varma (@RGVzoomin) March 29, 2022

కిల్లింగ్‌ వీరప్పన్‌ చిత్రీకరణ సమయంలో పునీత్‌ను పలుసార్లు కలిసినట్లు తెలిపిన వర్మ.. ఆయన లేరన్న విషయాన్ని తానిప్పటికీ నమ్మలేకపోతున్నానని చెప్పుకొచ్చారు. ఇక పునీత్‌ మరణించినా ప్రేక్షకుల హృదయాల్లో హీరోగానే ఉన్నాడని కొనియాడారు. ఈ విషయాన్ని ట్విట్టర్‌ వేదికగా షేర్‌ చేసిన వర్మ కొన్ని ఫోటోలను పోస్ట్‌ చేశారు. ఇదిలా ఉంటే ‘కిల్లింగ్‌ వీరప్పన్‌’ సినిమాలో పునీత్ రాజ్‌ కుమార్‌ సోదరుడు శివ రాజ్‌కుమార్‌ పోలీస్‌ ఆఫీసర్‌గా నటించిన విషయం తెలిసిందే.