వర్మకు కేటీఆర్ అదిరిపోయే కౌంటర్..!

వివాదాస్పద దర్శకుడు రామ్ గోపాల్‌ వర్మకు తెలంగాణ మంత్రి అదిరిపోయే కౌంటర్ ఇచ్చారు. లాక్‌డౌన్ వేళ నెటిజన్లతో కేటీఆర్ సోషల్ మీడియాలో ముచ్చటించారు.

TV9 Telugu Digital Desk | Edited By: |
Updated on: Apr 11, 2020 | 7:08 AM

వివాదాస్పద దర్శకుడు రామ్ గోపాల్‌ వర్మకు తెలంగాణ మంత్రి అదిరిపోయే కౌంటర్ ఇచ్చారు. లాక్‌డౌన్ వేళ నెటిజన్లతో కేటీఆర్ సోషల్ మీడియాలో ముచ్చటించారు. ఈ సందర్భంగా వారు అడిగిన ప్రశ్నలకు ఆయన సమాధానాలు ఇచ్చారు. ఈ క్రమంలో వర్మ విఙ్ఞప్తికి కేటీఆర్ స్పందిస్తూ కౌంటర్ ఇచ్చారు.

కాగా లాక్‌డౌన్ నేపథ్యంలో మద్యం అమ్మకాలకు బ్రేక్ పడిన విషయం తెలిసిందే. దీంతో మందు దొరక్క మందుబాబులు ఆత్మహత్య చేసుకుంటుండగా.. మరికొందరు పిచ్చోళ్లైపోతున్నారు. ఇంకొందరు నిద్రమాత్రలు మింగుతున్నారు. ఇక ఇదే విషయాన్ని తన సోషల్ మీడియాలో రాసుకొచ్చిన వర్మ.. ”ఇంట్లో బోర్‌ కొట్టే వారికి, తమ జుట్టును పీక్కునే వారికి, చిన్నపిల్లల్లా ఏడ్చే వారికి, మెంటల్ ఆసుపత్రుల్లో జాయిన్‌ అవుతోన్న వారికి, ఫ్రస్టేషన్‌లో భార్యలను కొట్టే వారందరికీ.. మమతా బెనర్జీలా పెద్ద హృదయం చేసుకొని మందును ఇవ్వండి” అంటూ కేటీఆర్, కేసీఆర్, వైఎస్‌ జగన్‌లకు విఙ్ఞప్తి చేశారు. దానికి కేటీఆర్ స్పందిస్తూ.. ”రాము గారు మీరు మాట్లాడేది హెయిల్ కట్ గురించే అనుకుంటా” అని కౌంటర్ ఇచ్చారు. ఇక వీరిద్దరి కన్వర్జేషన్‌పై నెటిజన్లు కేటీఆర్ రాక్స్.. వర్మ షాక్స్ అంటూ కామెంట్లు పెడుతున్నారు.

Read This Story Also: ఇదే స్ఫూర్తితో లాక్ డౌన్ కొనసాగించాలి : కేసీఆర్