Ram Charan: రామ్‌చరణ్‌ – శంకర్‌ సినిమా నుంచి ఫోటో లీక్‌.. ఆసక్తిరేకెత్తిస్తోన్న చెర్రీ కొత్త లుక్‌..

Ram Charan: ట్రిపులార్‌ (RRR) సినిమాతో భారీ విజయాన్ని సొంతం చేసుకున్న మెగా పవర్‌ స్టార్‌ రామ్‌ చరణ్‌ ప్రస్తుతం తన తర్వాతి చిత్రంపై దృష్టిసారించాడు. చెర్రీ ప్రస్తుతం శంకర్‌ దర్శకత్వంలో ఓ సినిమా చేస్తున్న విషయం తెలిసిందే. ఈ సినిమాను కూడా పాన్‌ ఇండియా స్థాయిలో విడుదల చేయనున్నారు. ఇందులో రామ్‌ చరణ్‌కు జోడిగా కియారా అద్వానీ నటిస్తోంది. ఇప్పటికే షూటింగ్ జరుపుకుంటోన్న ఈ సినిమా రామ్‌ చరణ్‌ ఆర్‌ఆర్‌ఆర్‌ నుంచి బయటకు రాగానే మరింత వేగవంతమైంది.

ఇదిలా ఉంటే ఈ సినిమాలో చెర్రీ ఐఎస్‌ ఆఫీసర్‌ పాత్రలో కనిపించనున్నాడని, రాజకీయ వ్యవస్థకు.. ప్రభుత్వ వ్యవస్థకు మధ్య జరిగే పోరాటమే ఈ సినిమా కథాంశమని అప్పట్లో వార్తలు వచ్చిన విషయం తెలిసిందే. అయితే తాజాగా ఈ సినిమాకు సంబంధించి లీక్‌ అయిన ఓ ఫోటో ఒక్కసారిగా అంచనాలు పెంచేసింది. అంచనాలే కాకుండా సినిమా కథకు సంబంధించి కూడా పలు అనుమానాలకు కారణంగా మారిందీ ఫోటో.

తాజాగా లీక్‌ అయిన ఫోటోలో చెర్రీ వైట్ కలర్ పంచెలో సైకిల్‌పై వెళుతున్నట్లు కనిపిస్తోంది. దీంతో రామ్‌ చరణ్‌ ఈ సినిమాలో రెండు విభిన్న పాత్రల్లో కనిపించనున్నాడని తెలుస్తోంది. అయితే ఈ పాత్ర అచ్చంగా గ్రామీణ ప్రాంతాల్లో ఉండే సర్పంచ్‌లను పోలి ఉందని. దీంతో రామ్‌చరణ్‌ ఈ సినిమాలో రాజకీయ నాయకుడిగా కనిపించనున్నాడనే చర్చ తెరపైకి వచ్చింది. దీంతో ఈ సినిమాపై ఒక్కసారిగా అందరిలోనూ ఆసక్తి పెరిగింది. 1980లో ఫ్లాష్‌ బ్యాక్‌ నేపథ్యంలో కొన్ని సన్నివేశాలు ఉండనున్నాయని తెలుస్తోంది. మరి నెట్టింట వైరల్‌ అవుతోన్న ఈ వార్తల్లో ఎంత వరకు నిజం ఉందో తెలియాలంటే మాత్రం మరికొన్ని రోజులు వేచి చూడాల్సిందే. ఏది ఏమైనా ఒక్క ఫోటోతో రామ్‌ చరణ్‌-శంకర్‌ల సినిమాపై ఊహగానాలు భారీగా పెరిగాయి.

వైరల్ అవుతోన్న చెర్రీ కొత్త లుక్..

Also Read: Coolers Below 5k: వేసవి ఉక్కబోతను భరించలేకపోతున్నారా.? రూ. 5 వేల లోపు బెస్ట్‌ కూలర్లపై ఓ లుక్కేయండి..

Ashok Galla : ఈ కుర్ర హీరో మహేష్ బాబు నుంచి నేర్చుకుంది అదేనట.. ఆసక్తికర విషయం చెప్పిన అశోక్..

Sri Lanka Crisis: తీవ్ర ఆర్థిక సంక్షోభం మధ్య శ్రీలంక కొత్త ఆర్థిక మంత్రిగా అలీ సబ్రీ నియామకం..