తనపై వస్తున్న రూమర్స్ పై స్పంధించిన టాప్ హీరోయిన్.. ఆ ఇల్లు నాకెవరూ గిఫ్ట్ ఇవ్వలేదు అంటూ..

ఇటీవల తనపై వస్తున్న రూమర్లపై స్పందించింది రకూల్ ప్రీత్ సింగ్. అయితే ఓటీటీ వేదిక “ఆహ”లో అక్కినేని సమంత వ్యాఖ్యాతగా ‘సామ్ జామ్’ అనే ప్రోగ్రాం ప్రారంభించిన సంగతి తెలిసిందే. ఇందులో సెలబ్రెటీస్‏ను ఆహ్వనించి వారితో కలిసి ముచ్చుట్లు పెడుతుంది సమంత. అయితే తాజాగా ఈ ప్రోగ్రాంలో హీరోయిన్ రకుల్ ప్రీత్ సింగ్ పాల్గొంది. ఈ క్రమంలో తనపై సోషల్ మీడియాలో వస్తున్న వార్తలపై స్పందించింది.

ఈ క్రమంలో సోషల్ మీడియాలో మీపై వస్తున్న వార్తలపై మీరు ఎందుకు స్పందించరు.? అని సమంత అడగ్గా.. రకుల్ స్పందించింది. “మనపై పుకార్లు సృష్టించేవారు మనగురించి ఒక్క క్షణం కూడా ఆలోచించరు. ప్రస్తుతం నేను ఉంటున్న ఇల్లు ఎవరో నాకు గిఫ్ట్‏గా ప్రచారం చేస్తున్నారు. నాకు ఎవరో ఇల్లు గిప్ట్ ఇస్తే.. నేనెందుకు ఇంత కష్టపడుతూ పనిచేస్తా.. ఆ అవసరం ఏంటీ? ఇలాంటి రూమర్స్ రావడం ఇది మొదటి సారి కాదని చాలా సార్లు వచ్చాయని తెలిపింది. అందుకే తన పై వచ్చే రూమర్స్‏ని పట్టించుకోకూడదని నిర్ణయించుకున్నాను. మనం చేసే పని మాత్రమే మాట్లాడుతుంది” అని రకుల్ తెలిపింది.