Bigg Boss 4 : సోహెల్ కు దిమ్మతిరిగే షాక్ ఇచ్చిన అఖిల్.. నువ్వుకూడా నన్ను అర్ధం చేసుకోవడంలేదు అంటూ..

బిగ్ బాస్ చివరివారం మరింత ఆసక్తిగా మారింది. మరి కొద్ది రోజుల్లో షో పూర్తికాబోతుంది. హౌస్ లో ప్రస్తుతం టాప్ 5 కంటెస్టెంట్స్ ఉన్నారు. బిగ్ బాస్ ఇస్తున్న టాస్క్ లతో ఒక్కొక్కరి నిజస్వరూపాలు బయటకు వస్తున్నాయి. అప్పటివరకు ఒకరి మీద ఒకరు ప్రేమలు ఒలకబోసుకుంటారు .. టాస్క్ అనే సరికి మాత్రం గొడవలు పడుతూ.. విమర్శలు చేసుకుంటూ రచ్చ చేస్తారు. బిగ్ బాస్ కూడా ఇంటిసభ్యుల మధ్య చిచ్చుపెట్టేలా టాస్క్ లు ఇస్తున్నాడు. ఒకరి గురించి ఒకరు మనసులో ఏమనుకుంటున్నారో బయట పెట్టుకుంటున్నారు ఇంటిసభ్యులు. తాజాగా సోమవారం జరిగిన ఎపిసోడ్ లో సోహెల్ కు దిమ్మతిరిగే షాక్ ఇచ్చాడు అఖిల్. ఈ ఇద్దరు హౌస్ లోని గార్డెన్ లో కూర్చొని డిస్కషన్ పెట్టారు.

అఖిల్ సోహెల్ మొదటి నుంచి మంచి స్నేహితులు. హౌస్ లో మొదటినుంచి ఒకరికొకరు సపోర్ట్ చేసుకుంటూ వస్తున్నారు. కానీ గత కొద్దిరోజులుగా ఇద్దరిమధ్య దూరం పెరుగుతూ వస్తుంది. ఈ మధ్య అఖిల్ తీరు పై సోహెల్ ఎదో ఒక రకంగా అసహనం వ్యక్తం చేస్తూనే ఉన్నాడు. టాస్క్ ల విషయంలో తనకు నెగిటివ్ గా ఉంటున్నావ్ అంటూ సోహెల్ అఖిల్ తో గొడవ కూడా పెట్టుకున్నాడు. అప్పటినుంచి అఖిల్ సోహెల్ కు దూరంగా ఉంటూ వస్తున్నాడు. సోమవారం జరిగిన ఎపిసోడ్ లో అఖిల్ సోహెల్ ఓపెన్ గా మాట్లాడుకున్నారు. నన్ను ఎవ్వరు అర్ధం చేసుకోవడంలేదు అని బాధపడ్డాడు అఖిల్ . నువ్వుకూడా నన్ను అర్ధం చేసుకోవడంలేదు రా.. అని అనడంతో సోహెల్ షాక్ అయ్యాడు. అలా అనుకుంటే ఏమి చేయలేమని అర్థం చేసుకున్నాను కాబట్టే నువ్వు ఎంత దూరం పెట్టినా.. కూడా మళ్లీ దగ్గరకు వచ్చే ప్రయత్నం చేశానని సోహెల్ సమాధానం ఇచ్చాడు.