మరోసారి క్లారిటీ ఇచ్చిన పునర్నవి

బయట ఉన్నప్పుడు ఒకరి గురించి మరొకరికి పెద్దగా తెలియని రాహుల్ సిప్లిగంజ్, పునర్నవి.. ‘బిగ్‌బాస్‌’ హౌస్‌లోకి వెళ్లిన తరువాత మంచి స్నేహితులుగా మారారు. ఆ తరువాత హౌస్‌లో వీరిద్దరి రొమాన్స్‌కు బయట ఫ్యాన్స్ కూడా ఫిదా అయ్యారు. ఇక బయటకు వచ్చాక కూడా వీరిద్దరు అదే సాన్నిహిత్యాన్ని కొనసాగిస్తుండగా.. ఈ ఇద్దరికి ‘లవర్స్’ ముద్ర పడింది. అంతేకాదు వీరిద్దరు డేటింగ్ చేస్తున్నారంటూ పుకార్లు కొనసాగుతున్నాయి. ఈ నేపథ్యంలో వాటిపై స్పందించింది పునర్నవి. రాహుల్‌తో తాను డేటింగ్ చేయడం లేదని పున్ను తెలిపింది. తామిద్దరం మంచి స్నేహితులం మాత్రమేనని ఆమె క్లారిటీ ఇచ్చింది.

అయితే వీరిద్దరిపై పుకార్లు రావడం ఇది తొలిసారేం కాదు. గతంలోనూ పలుమార్లు ఈ ఇద్దరు ‘రిలేషన్’‌లో ఉన్నట్లు పలు రూమర్లు వచ్చాయి. వాటిని ఈ ఇద్దరు ఖండిస్తూ వస్తున్నారు. తాము మంచి స్నేహితులమని చెప్తూ వస్తున్నారు. ఇక తాజాగా పునర్నవి మరోసారి తమ బంధంపై క్లారిటీ ఇవ్వడంతో.. ఇప్పటికైనా వీరి ‘రిలేషన్’ పుకార్లకు చెక్ పడుతుందేమో చూడాలి. కాగా బిగ్‌బాస్ తరువాత సినిమాల్లో వీరిద్దరికి మంచి ఆఫర్లు వస్తున్నట్లు సమాచారం.

Read This Story Also: కరోనా టెర్రర్.. జీహెచ్‌ఎంసీ సంచలన నిర్ణయం