‘ఉప్పెన’లోని భావోద్వేగాలు అందరికి నచ్చుతాయి.. తప్పకుండా ప్రేక్షకులు ఆదరిస్తారంటున్న పవర్‌‌స్టార్..

పవన్ కల్యాణ్ మేనల్లుడు వైష్ణవ్‌ తేజ్‌ కథానాయకుడిగా తెరకెక్కుతున్న ‘ఉప్పెన’ చిత్రానికి ఆయన శుభాకాంక్షలు తెలిపారు. ఫిబ్రవరి 12న ఈ సినిమా ప్రేక్షకుల ముందుకు రానున్న నేపథ్యంలో తాజాగా పవన్‌కల్యాణ్‌ను ‘ఉప్పెన’ చిత్రబృందం కలిసింది. సినిమా ట్రైలర్‌ వీక్షించిన అనంతరం పవన్‌కల్యాణ్‌.. వైష్ణవ్‌ తేజ్‌, బుచ్చిబాబుతో పాటు ఇతర చిత్రబృందాన్ని అభినందించారు. ఈ సందర్భంగా పవన్ కల్యాణ్ మాట్లాడుతూ..

మన జీవితాల్ని, అందులోని భావోద్వేగాల్ని, మన చుట్టూ ఉన్న పరిస్థితులను కథగా తెర మీదకు తీసుకువచ్చే చిత్రాలను ప్రేక్షకులు ఎక్కువ కాలం గుర్తుపెట్టుకుంటారని తెలిపారు. ‘జానీ’లో బాలనటుడిగా హీరో చిన్నప్పటి పాత్ర పోషించిన వైష్ణవ్ ఇప్పుడు ఈ స్థాయికి ఎదిగాడన్నారు. బుచ్చిబాబు ఎంతో సమర్థవంతంగా ఈ చిత్రాన్ని తెరకెక్కించారని కొనియాడారు. ‘రంగస్థలం’, ‘దంగల్‌’ చిత్రాలు భావోద్వేగాల నేపథ్యంలో వచ్చిన సినిమాలే అందుకే అవి ప్రేక్షకుల గుండెల్లో చెరగని ముద్రను వేశాయి. అదే కోవాలో ఉప్పెన సినిమా కూడా ప్రేక్షకులకు తప్పకుండా నచ్చుతుందని తెలిపారు. ఈ సినిమా పెద్ద విజయం సాధించాలని కోరుకుంటున్నట్లు ప్రకటించారు. హీరోగా తొలి చిత్రంలోనే వైష్ణవ్‌ మంచి కథ ఎంచుకున్నాడని, మొదటి అడుగులోనే సవాల్‌తో కూడుకున్న పాత్ర తీసుకున్నాడని తప్పకుండా విజయం సాధిస్తాడని చెప్పారు.

Pawan kalyan-Harish Shankar Movie : ఈ సారి పవన్ కళ్యాణ్ ను హరీష్ శంకర్ అలా చూపించబోతున్నాడట..!