Maharaja OTT: ఓటీటీలోకి విజయ్ సేతుపతి 100 కోట్ల సినిమా.. తెలుగులోనూ మహారాజ స్ట్రీమింగ్.. ఎప్పుడంటే?
మహారాజ సినిమాతో చాలా రోజుల తర్వాత సోలో హీరోగా బ్లాక్ బస్టర్ హిట్ అందుకున్నారు విజయ్ సేతుపతి. ఎలాంటి అంచనాలు లేకుండా సైలెంట్ గా థియేటర్లలో రిలీజైన ఈ మూవీ ఇప్పటికే వంద కోట్ల వసూళ్లు దాటేసింది. కేవలం తమిళంలోనే కాకుండా తెలుగులోనూ విజయ్ సేతుపతి సినిమాకు భారీ కలెక్షన్లు వస్తున్నాయి
చాలా రోజుల తర్వాత మహారాజ సినిమాతో సోలో హీరోగా బ్లాక్ బస్టర్ హిట్ అందుకున్నారు విజయ్ సేతుపతి. ఎలాంటి అంచనాలు లేకుండా సైలెంట్ గా థియేటర్లలో రిలీజైన ఈ మూవీ ఇప్పటికే వంద కోట్ల వసూళ్లు దాటేసింది. కేవలం తమిళంలోనే కాకుండా తెలుగులోనూ విజయ్ సేతుపతి సినిమాకు భారీ కలెక్షన్లు వస్తున్నాయి. మహారాజ పేరుతోన డబ్ అయిన ఈ సినిమకు ఇప్పటివరకు తెలుగు నాట సుమారు రూ. 20 కోట్లు వచ్చాయని ట్రేడ్ నిపుణులు చెబుతున్నారు. ఇక రికార్డుల పరంగా చూసుకుంటే..తెలుగులో డబ్ అయిన విజయ్ సేతుపతి సినిమాల్లో అత్యధిక వసూళ్లు సాధించిన సినిమాగా మహారాజ ఘనత సాధించింది. ఇక ఈ ఏడాది త‌మిళంలో అత్యధిక కలెక్షన్లను రాబ‌ట్టిన సినిమాల్లో ఒక‌టిగా మహారాజ నిలిచింది. ఇప్పటికీ థియేటర్లలో ఆడియెన్స్ ను అలరిస్తోన్న మహారాజ సినిమా ఓటీటీ స్ట్రీమింగ్ గురించి ఒక ఆసక్తిక వార్త వినిపిస్తోంది. ప్రముఖ ఓటీటీ ప్లాట్ పామ్ నెట్ ఫ్లిక్స్ మక్కల్ సెల్వన్ సినిమా డిజిటల్ స్ట్రీమింగ్ హక్కులను సొంతం చేసుకుంది. ఈ నేపథ్యంలో జులై 19 నుంచి మహారాజ సినిమా నెట్ ఫ్లిక్స్ లో స్ట్రీమింగ్ కానున్నట్లు సమాచారం. తమిళంతో పాటు తెలుగులోనూ అదే రోజు ఓటీటీలోకి అందుబాటులోకి రానుందని టాక్. త్వరలోనే మహారాజ సినిమా ఓటీటీ రిలీజ్ డేట్ పై అధికారిక ప్రకటన వెలువడనున్నట్లు తెలుస్తోంది
సినిమా కథేంటంటే..
నితిల‌న్ సామినాథ‌న్ తెరకెక్కించిన మహారాజ సినిమాలో అనురాగ్ క‌శ్య‌ప్‌, మ‌మ‌తా మోహ‌న్‌దాస్‌, అభిరామి తదితరులు ప్రధాన పాత్రలు పోషించారు. ఇక సినిమా కథ విషయానికి వస్తే.. ఇందులో మహారాజ (విజయ్ సేతుపతి) ఓ బార్బ‌ర్‌. త‌న కూతురితో క‌లిసి నగరానికి దూరంగా ఓ ఇంట్లో జీవిస్తుంటాడు. అయితే ఓ రోజు కొంద‌రు దుండగులు మహరాజ ఇంటిపై దాడిచేసి ల‌క్ష్మిని ఎత్తుకుపోయార‌ని మహారాజ పోలీసుల‌కు ఫిర్యాదు చేస్తాడు. మరి ఇంత‌కు ల‌క్ష్మి ఎవ‌రు? మహారాజ కంప్లైంట్‌ను పోలీసులు ఎందుకు సీరియ‌స్‌గా తీసుకోలేదు. త‌న కూతురిపై జ‌రిగిన అన్యాయానికి మహారాజ ఎలా రివేంజ్ తీర్చుకున్నాడన్నదే ఈ మూవీ కథ. ప్రస్తుతం ఈ సినిమా కోలీవుడ్ బాక్సాఫీస్ రికార్డులను బద్దలు కొడుతోంది.
మరిన్ని సినిమా వార్తల కోసం ఇక్కడ క్లిక్ చేయండి.
