Venkatesh Drishyam 2: తెలుగు దృశ్యంను కూడా డిజిట‌ల్ స్క్రీన్‌పైనే చూపించనున్నారా.? ఓకే చెప్పేసిన నిర్మాత‌, హీరో.. ‌

Venkatesh Drishyam 2: మ‌ల‌యాళంలో తెర‌కెక్కిన దృశ్యం సినిమా ఎంత‌టి సంచ‌లన విజ‌యం సాధించిందో ప్ర‌త్యేకంగా చెప్పాల్సిన ప‌నిలేదు. క‌థ‌లో ద‌మ్ము ఉండాలే కానీ భాష‌తో సంబంధం లేద‌ని ఈ సినిమా...

  • Narender Vaitla
  • Publish Date - 4:22 pm, Sun, 18 April 21
Venkatesh Drishyam 2: తెలుగు దృశ్యంను కూడా డిజిట‌ల్ స్క్రీన్‌పైనే చూపించనున్నారా.? ఓకే చెప్పేసిన నిర్మాత‌, హీరో.. ‌
Drishyam 2 Ott

Venkatesh Drishyam 2: మ‌ల‌యాళంలో తెర‌కెక్కిన దృశ్యం సినిమా ఎంత‌టి సంచ‌లన విజ‌యం సాధించిందో ప్ర‌త్యేకంగా చెప్పాల్సిన ప‌నిలేదు. క‌థ‌లో ద‌మ్ము ఉండాలే కానీ భాష‌తో సంబంధం లేద‌ని ఈ సినిమా నిరూపించింది. రీమేక్ అయిన అన్ని భాష‌ల్లో ఈ సినిమాకు ప్రేక్ష‌కులు బ్ర‌హ్మ‌ర‌థం ప‌ట్టారు. ఇదే పేరుతో తెలుగులో విక్ట‌రీ వెంటేష్ హీరోగా ఈ సినిమా రీమేక్ అయ్యి మంచి విజ‌యాన్నిసొంతం చేసుకుంది. ఇదిలా ఉంటే తాజాగా ఈ చిత్రానికి సీక్వెల్‌గా దృశ్యం2 వ‌చ్చిన విష‌యం తెలిసిందే. అయితే కరోనా దృష్ట్యా ఈ చిత్రాన్ని మ‌ల‌యాళంలో ఓటీటీ వేదిక‌గా విడుద‌ల చేశారు.
ఇక ఈ సినిమా తెలుగులోనూ రీమేక్ అవుతున్న విష‌యం విధిత‌మే. కోవిడ్ నిబంధ‌న‌ల‌ను స‌డ‌లించిన స‌మ‌యంలో చిత్ర యూనిట్ ఈ సినిమాను చ‌క‌చ‌కా పూర్తి చేసేసింది. ప్ర‌స్తుతం ఈ సినిమా నిర్మానంత‌ర ప‌నులు జ‌రుపుకుంటోంది. తాజాగా టాలీవుడ్ ఇండ‌స్ట్రీలో చ‌క్క‌ర్లు కొడుతోన్న ఓ వార్త ఆధారంగా ఈ సినిమాను కూడా ఓటీటీలో విడుద‌ల చేయ‌డానికి స‌న్నాహాలు చేస్తున్న‌ట్లు తెలుస్తోంది. క‌రోనా సెకండ్ వేవ్ మ‌రో రెండు నెల‌ల‌పాటు ఉంటుంద‌ని వార్త‌లు వ‌స్తోన్న నేప‌థ్యంలో చిత్ర యూనిట్‌ డిజిట‌ల్ వైపే అడుగులు వేస్తున్న‌ట్లు టాక్ వినిపిస్తోంది. ఇప్ప‌టికే నిర్మాత సురేష్ బాబు ఈ విష‌య‌మై ఓ బ‌డా ఓటీటీ సంస్థ‌తో చ‌ర్చ‌లు కూడా జ‌రిపిన‌ట్లు వార్త‌లు వ‌స్తున్నాయి. అంతే కాకుండా హీరో వెంక‌టేష్ కూడా దీనికి ఓకే చెప్ప‌డంతో దృశ్యం2 తెలుగు వెర్ష‌న్ కూడా ఓటీటీలోనే రానుంద‌న్న వార్త‌లకు బ‌లం చేకూర్చిన‌ట్ల‌వుతోంది. మ‌రి ఈ వార్త‌ల్లో ఎంత వ‌ర‌కు నిజం ఉందో తెలియాలంటే అధికారిక ప్ర‌క‌ట‌న వ‌చ్చే వ‌ర‌కు వేచి చూడాల్సిందే.

Also Read: Actress Sameera Reddy : సోనూసూద్, అర్జున్ రాంపాల్.. తాజాగా సినీనటి సమీరారెడ్డికి కరోనా పాజిటివ్

Fashion show : విశాఖలో శ్రీమతి వైజాగ్ ట్రెడిషనల్ ఫ్యాషన్ షో ఫైనల్.. ర్యాంప్ పై హంస నడకలతో అదరగొట్టిన ఆంటీలు.!

Radhe Shyam Movie Story: ‘రాధే శ్యామ్’ సినిమా స్టోరీ ఇదేనా.. సోషల్ మీడియాలో ఇంట్రస్టింగ్ లైన్ వైరల్