Unstoppable with NBK: బాలయ్య టాక్‌షోకు తదుపరి చీఫ్‌ గెస్టులు వీరే..
ఇటు సినిమాలతో వెండితెర ప్రేక్షకులను, అటు టీవీ టాక్‌షోతో బుల్లితెర ప్రేక్షకులను ఒకేసారి అలరిస్తున్నారు నందమూరి బాలకృష్ణ.
Updated on: Dec 15, 2021 | 11:22 AM
ఇటు సినిమాలతో వెండితెర ప్రేక్షకులను, అటు టీవీ టాక్‌షోతో బుల్లితెర ప్రేక్షకులను ఒకేసారి అలరిస్తున్నారు నందమూరి బాలకృష్ణ. ‘అఖండ’ విజయోత్సాహంలో ఉన్న ఆయన ప్రముఖ తెలుగు ఓటీటీ సంస్థ ‘ఆహా’ కోసం ఓ టాక్‌ షో నిర్వహిస్తోన్న సంగతి తెలిసిందే. ‘అన్ స్టాపబుల్ విత్‌ ఎన్‌బీకే’ పేరుతో సాగే ఈ చిట్‌ఛాట్ షో అభిమానులను బాగా ఆకట్టుకుంటోంది. మోహన్ బాబు, నాని, బ్రహ్మానందం, అనిల్‌ రావిపూడి తదితర ప్రముఖులు ఇప్పటికే ఈ టాక్‌షోలో సందడి చేశారు. ఇటీవలే ‘అఖండ’ టీం కూడా హాజరై పలు ఆసక్తికర విషయాలు పంచుకుంది. కాగా త్వరలోనే దర్శకధీరుడు రాజమౌళి, ప్రముఖ సంగీత దర్శకుడు కీరవాణి ఈ టాక్‌షోలో పాల్గొననున్నారు. తాజాగా అధికారికంగా ఈ విషయాన్ని ప్రకటించింది ‘ఆహా’. దీనికి సంబంధించిన ప్రోమోను త్వరలోనే విడుదల చేయనున్నట్లు తెలిపింది.
కాగా బాలయ్య గాయ పడడంతో కొన్ని రోజుల పాటు అన్‌స్టాపబుల్ షో వాయిదా పడిన సంగతి తెలిసిందే. అయితే ఇప్పుడాయన కోలుకోవడంతో మళ్లీ బుల్లితెర ప్రేక్షకులను అలరించేందుకు సిద్ధమవుతున్నారు. ఈ క్రమంలోనే పలువురు ప్రముఖులను ఈ టాక్‌షోకు రప్పించనున్నారు. కాగా ‘అఖండ’ ప్రి రిలీజ్‌ ఈవెంట్‌లోనూ రాజమౌళి పాల్గొన్న సంగతి తెలిసిందే. ఈ సందర్భంగా బాలయ్య ఒక ‘ఆటంబాంబ్‌’ అని దర్శకధీరుడు ప్రశంసలు కురిపించారు. ఇక సినిమాల విషయానికొస్తే ‘అఖండ’ ను మరింత ప్రమోట్‌ చేసే పనిలో ఉన్నారు బాలకృష్ణ. ఇక రాజమౌళి తన తాజా చిత్రం ‘ఆర్‌ ఆర్‌ ఆర్‌’ ను ప్రజల్లోకి తీసుకెళ్లే ప్రయత్నం చేస్తున్నారు. ఇందుకు సంబంధించి వరుసగా ప్రెస్‌మీట్లు, ఇంటర్వ్యూలు నిర్వహిస్తున్నారు.
The men behind the biggest Indian movie are on the biggest talk show. ?#UnstoppableWithNBK Episode 5 is going to be a treat with @ssrajamouli garu and @mmkeeravani garu having a great time with our #NandamuriBalakrishna garu.
Promo out soon. pic.twitter.com/Qdi62NCVvP
— ahavideoIN (@ahavideoIN) December 15, 2021
Also Read:
