Kalki 2898 AD OTT: ప్రభాస్ ఫ్యాన్స్ గెట్ రెడీ.. మరికొన్ని గంటల్లో ఓటీటీలోకి ‘కల్కి’.. ఎక్కడ చూడొచ్చంటే?
ప్రభాస్ అభిమానులు గెట్ రెడీ.. థియేటర్లలో బ్లాక్ బస్టర్ గా నిలిచిన కల్కి 2898 ఏడీ సినిమా మరికొన్ని గంటల్లో ఓటీటీలోకి రానుంది. నాగ్ అశ్విన్ తెరకెక్కించిన ఈ సినిమాలో బాలీవుడ్ అందాల తార దీపికా పదుకొణె హీరోయిన్ గా నటించింది. బిగ్ బీ అమితాబ్ బచ్చన్, లోక నాయకుడు కమల్ హాసన్, దిశా పటానీ, శోభన, రాజేంద్ర ప్రసాద్ తదితరులు ప్రధాన పాత్రలు పోషించారు.
Updated on: Aug 21, 2024 | 1:11 PM
ప్రభాస్ అభిమానులు గెట్ రెడీ.. థియేటర్లలో బ్లాక్ బస్టర్ గా నిలిచిన కల్కి 2898 ఏడీ సినిమా మరికొన్ని గంటల్లో ఓటీటీలోకి రానుంది. నాగ్ అశ్విన్ తెరకెక్కించిన ఈ సినిమాలో బాలీవుడ్ అందాల తార దీపికా పదుకొణె హీరోయిన్ గా నటించింది. బిగ్ బీ అమితాబ్ బచ్చన్, లోక నాయకుడు కమల్ హాసన్, దిశా పటానీ, శోభన, రాజేంద్ర ప్రసాద్ తదితరులు ప్రధాన పాత్రలు పోషించారు. అలాగే రామ్ గోపాల్ వర్మ, బ్రహ్మానందం, విజయ్ దేవరకొండ, దుల్కర్ సల్మాన్, మృణాళ్ ఠాకూర్, మాళవికా నాయర్ తదితరులు క్యామియో రోల్స్ లో మెరిశారు. వైజయంతీ మూవీస్ బ్యానర్ పై సుమారు రూ. 700 కోట్ల బడ్జెట్ తో ప్రముఖ నిర్మాత అశ్వనీదత్ కల్కి సినిమాను నిర్మించారు. జూన్ 27న థియేటర్లలో రిలీజైన కల్కి సినిమా ఓవరాల్ గా రూ.1200 కోట్లకు పైగానే కలెక్షన్లు వచ్చాయి. ఆగస్టు 15 నాటికి ఈ సినిమా థియేటర్లలో రిలీజై 50 రోజులు పూర్తయ్యాయి. ఇప్పటికీ అక్కడక్కడ ప్రభాస్ సినిమా సందడి చేస్తోంది. మరోవైపు ఎప్పుడెప్పుడు కల్కి సినిమాను ఓటీటీలో చూద్దామా? అని చాలామంది వెయిట్ చేస్తున్నారు. వీరి కోసమే మరికొన్ని గంటల్లో ప్రభాస్ సినిమా డిజిటల్ స్ట్రీమింగ్ కు రానుంది. ప్రముఖ ఓటీటీ ప్లాట్ ఫామ్ అమెజాన్ ప్రైమ్ వీడియో కల్కి సినిమా డిజిటల్ స్ట్రీమింగ్ రైట్స్ ను సొంతం చేసుకుంది. అయితే హిందీ వెర్షన్ రైట్స్ మాత్రం నెట్ ఫ్లిక్స్ దగ్గర ఉన్నాయి. ఆగస్టు 22 (గురువారం) నుంచి కల్కి సినిమాను ఓటీటీలోకి తీసుకొస్తున్నట్లు అమెజాన్ ప్రైమ్ తో పాటు నెట్ ఫ్లిక్స్ ఇప్పటికే అధికారికంగా ప్రకటించాయి. అంటే ఇవాళ్టి అర్ధరాత్రి నుంచే ప్రభాస్ బ్లాక్ బస్టర్ మూవీ ఓటీటీలో ప్రత్యక్షం కానుందన్న మాట.
కల్కి సినిమా తెలుగు వెర్షన్ తో పాటు తమిళం, కన్నడ, మలయాళ గతా భాషల్లో అమెజాన్ ప్రైమ్ వేదికగా అందుబాటులోకి రానుంది. హిందీ వెర్షన్ మాత్రం కేవలం నెట్ ఫ్లిక్స్ లోనే స్ట్రీమింగ్ కు రానుంది. గతేడాది సలార్ తో సూపర్ హిట్ కొట్టిన ప్రభాస్ ఈ ఏడాది కల్కి సినిమాతో బ్లాక్ బస్టర్ అందుకున్నాడు. ప్రస్తుతం హను రాఘవపూడి దర్శకత్వంలో ఓ సినిమా చేస్తున్నాడు డార్లింగ్. అలానే మారుతితో కలిసి ది రాజా సాబ్, నాగ్ అశ్విన్ తో కలిసి కల్కి 2, ప్రశాంత్ నీల్ తో సలార్ 2, సందీప్ రెడ్డి వంగాతో కలిసి స్పిరిట్ సినిమాలను లైన్ లో పెట్టాడు. త్వరలోనే ఈ సినిమాకు సంబంధించి మరిన్ని అప్ డేట్స్ రానున్నాయి.
అమెజాన్ ప్రైమ్ లో కల్కి తెలుగు వెర్షన్ స్ట్రీమింగ్,..
The dawn of a new ERA awaits you 🌅 And this is your gateway into the GRAND world of Kalki⛩️🔥#Kalki2898ADOnPrime🔥, Aug 22#Prabhas @SrBachchan @ikamalhaasan @deepikapadukone @nagashwin7 @DishPatani@VyjayanthiFilms @Kalki2898AD pic.twitter.com/9FYs2quk5C
— prime video IN (@PrimeVideoIN) August 17, 2024
హిందీ వెర్షన్ మాత్రం నెట్ ఫ్లిక్స్ లో..
Iss yug ka EPIC blockbuster aa raha hai Netflix par, Hindi mein 🔥🔥 Watch #Kalki2898AD Hindi arriving on 22nd August on Netflix. #Kalki2898AD pic.twitter.com/Mnd3TBXi5w
— Netflix India (@NetflixIndia) August 17, 2024
మరిన్ని సినిమా వార్తల కోసం ఇక్కడ క్లిక్ చేయండి.
