OTT Movies: ఓటీటీలోకి వచ్చేస్తున్న మరో యాక్షన్ థ్రిల్లర్ వెబ్ సిరీస్.. ఎక్కడ స్ట్రీమింగ్ కానుందంటే..

ఇప్పుడు సినీ ప్రియులను ఆకట్టుకునేందుకు ఓటీటీ ప్లాట్ ఫామ్స్ సరికొత్త కథలను తీసుకువస్తున్నాయి. భాషతో సంబంధం లేకుండా అన్ని చిత్రాలను పాన్ ఇండియా లాంగ్వేజ్ లో రిలీజ్ చేస్తున్నారు మేకర్స్. మరోవైపు సస్పెన్స్, హారర్, కామెడీ, లవ్ ఇలా అన్ని అంశాలతో వెబ్ సిరీస్ రూపొందిస్తున్నారు. ఇప్పుడు తెలుగు దర్శకులు రాజ్ నిడమోరు, కృష్ణ డీకే ఇద్దరు మరో యాక్షన్ థ్రిల్లర్ వెబ్ సిరీస్ చేసేందుకు రెడీ అయ్యారు. హిందీలో ఫ్యామిలీ మ్యాన్, ఫర్జీ, గన్స్ అండ్ గులాబ్స్ లాంటి వెబ్ సిరీస్ తెరకెక్కించిన టాలెంటెడ్ డైరెక్టర్స్.. ఇప్పుడు యాక్షన్ ఫ్యాంటసీ సిరీస్ నిర్మిస్తున్నారు. ఈ విషయాన్ని నెట్ ఫ్లిక్స్ అధికారికంగా ప్రకటించింది. కొత్త వెబ్ సిరీస్ అనౌన్స్ చేస్తూ నెట్ ఫ్లిక్స్ రిలీజ్ చేసిన పోస్టర్, క్యాప్షన్ ఆసక్తి కలిగిస్తున్నాయి. “రక్త్ బ్రహ్మాండ్.. ది బ్లడీ కింగ్ డమ్ ” అనే టైటిల్ పెట్టడం విశేషం.

ఓ కిరీటం, దాని చుట్టూ రక్తం కారుతున్నట్లుగా ఉన్న పోస్టర్ రిలీజ్ చేశారు మేక్ర్స. తొలిసారి ఇలాంటి ఓ యాక్షన్ ఫ్యాంటసీ జానర్ లో వెబ్ సిరీస్ తెరకెక్కిస్తున్నట్లు నెట్ ఫ్లిక్స్ వెల్లడించింది. “మీ రక్తాన్ని మరిగించే ఓ పెద్ద న్యూస్ మా దగ్గర ఉంది. మా తొలి యాక్షన్ ఫ్యాంటసీ సిరీస్ ను అనౌన్స్ చేయడానికి చాలా ఆనందిస్తున్నాం” అనే క్యాప్షన్ తో నెట్‌ఫ్లిక్స్ ఈ విషయాన్ని ప్రకటించింది. రాజ్ అండ్ డీకే తమ డీ2ఆర్ ఫిల్మ్స్ బ్యానర్ పై ఈ సిరీస్ నిర్మిస్తుండగా.. డైరెక్టర్ అనిల్ బార్వే దర్శకత్వం వహిస్తున్నారు.

అయితే ఈ సిరీస్ లో ఎవరు నటిస్తున్నారనే విషయం పై ఇంకా క్లారిటీ రావాల్సి ఉంది. అలాగే ఓ రాజ్యం, దాని కిరీటం కోసం జరిగే యుద్ధ నేపథ్యంలో గ్రిప్పింగ్ నెరేటివ్ తో ఈసిరీస్ తెరకెక్కిస్తున్నట్లు నెట్ ఫ్లిక్స్ చెప్పింది. ఇప్పటివరకు ఇలాంటి జానర్ లో కథ అందించలేదని తెలిపింది. త్వరలోనే ఈ సిరీస్ షూటింగ్ కానుండగా.. స్ట్రీమింగ్ డేట్ కూడా అనౌన్స్ చేయనున్నారు.

మరిన్ని సినిమా వార్తల కోసం ఇక్కడ క్లిక్ చేయండి.