OTT Movie: థియేటర్లలో కలెక్షన్ల వర్షం.. సడెన్గా ఓటీటీలోకి వచ్చేసిన యాక్షన్ థ్రిల్లర్.. IMDBలో టాప్ రేటింగ్
రిలీజ్ కు ముందు ఈ సినిమాపై ఎలాంటి అంచనాలు లేవు. కానీ తీరా థియేటర్లలో రిలీజయ్యాక ఈ మూవీని చూసేందుకు ఆడియెన్స్ బ్రహ్మరథం పట్టారు. బాక్సాఫీస్ వద్ద భారీ వసూళ్లు రాబట్టిన ఈ యాక్షన్ థ్రిల్లర్ ఇప్పుడు సడెన్ గా ఓటీటీలోకి వచ్చేసింది.
Updated on: Sep 26, 2026 | 6:45 AM
ఈ మధ్యన కొన్ని సినిమాలు ఆడియెన్స్ అంచనాలకు అందట్లేదు. హిట్ అవ్వాల్సిన సినిమాలు అనూహ్యంగా బోల్తా పడుతున్నాయి. ఏ మాత్రం అంచనాలు లేని సినిమాలు బాక్సాఫీస్ వద్ద భారీ వసూళ్లు రాబడుతున్నాయి. ఇప్పుడు మనం మాట్లాడుకోబోయే సినిమా కూడా సరిగ్గా ఇదే కోవకు చెందుతుంది. రిలీజ్ కు ముందు ఈ సినిమాపై ఎలాంటి అంచనాలు లేవు. అసలు ఈ సినిమా రిలీజైందని కూడా చాలా మందికి తెలియదు. అయితే తీరా థియేటర్లలో రిలీజయ్యాక ఈ సినిమా సంచలన విజయం సాధించింది. బాక్సాఫీస్ వద్ద భారీ కలెక్షన్లు రాబట్టింది. కేవలం రూ.45 కోట్ల బడ్జెట్తో తీసిన ఈ సినిమా ఓవరాల్ గా రూ.213 కోట్ల వసూళ్లు సొంతం చేసుకుని అందరినీ ఆశ్చర్యపరిచింది. నిర్మాతలు పెట్టిన బడ్జెట్కి నాలుగింతల కలెక్షన్లు రాబట్టిన ఈ చిత్రం ఇప్పుడు సడెన్ గా ఓటీటీలోకి వచ్చేసింది. అది కూడా ఎలాంటి ముందస్తు ప్రకటన లేకుండానే. ఇంతకీ ఆ సినిమా ఏదనుకుంటున్నారా?
బాలీవుడ్ కిస్సింగ్ హీరో ఇమ్రాన్ హష్మి నటించిన లేటెస్ట్ సినిమా ‘అవారపన్’. 2007లో రిలీజైన ఈ సినిమా అప్పట్లో పెద్దగా ఆడలేదు. కానీ ఆ తర్వాత కాలంలో కల్ట్ క్లాసిక్ గా మంచి గుర్తింపు తెచ్చుకుంది. దీనికి సీక్వెల్గా వచ్చిన సినిమానే ‘అవారపన్ 2’. స్వాతంత్ర్య దినోత్సవం కానుకగా ఆగస్టు 14న విడుదలైన ఈ మూవీ సంచలన విజయం సాధించింది. ట్రేడ్ నిపుణులు సైతం ఆశ్చర్యపోయేలా కలెక్షన్లను సాధించింది. ఇప్పుడీ యాక్షన్ థ్రిల్లర్ సినిమా సడెన్ గా ఓటీటీలోకి వచ్చేసింది. ‘అవారపన్ 2’ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో సొంతం చేసుకుంది. ఈ నేపథ్యంలో శుక్రవారం (సెప్టెంబర్ 25) నుంచే ఈ సినిమా ఓటీటీలోకి వచ్చేసింది. అది కూడా ఎలాంటి ముందస్తు ప్రకటన లేకుండా. నితిన్ కక్కర్ తెరకెక్కించిన ఈ సూపర్ హిట్ యాక్షన్ థ్రిల్లర్ సినిమాలో ఇమ్రాన్ హష్మీ సరసన దిశా పటానీ హీరోయిన్గా నటించింది. వీరితో పాటు శ్రియా శరణ్, షబానా అజ్మీ, విజయంత్ కోహ్లీ తదితరులు కీలకపాత్రలు పోషించారు. అయితే, ప్రస్తుతం ఈ సినిమా కేవలం రెంటల్ విధానంలో అందుబాటులో ఉంది. త్వరలోనే ఈ యాక్షన్ థ్రిల్లర్ ఫ్రీగా స్ట్రీమింగ్ అయ్యే ఛాన్స్ ఉంది.
అవారాపన్ 2 సినిమా ట్రైలర్..
మరిన్ని సినిమా వార్తల కోసం ఇక్కడ క్లిక్ చేయండి.
