Vaishnavi Chaitanya: వైష్ణవి చైతన్య వయసుపై ట్రోలింగ్.. ఆధార్ కార్డ్ చూపించి మరీ కౌంటరిచ్చిన ‘బేబీ’ హీరోయిన్

టాలీవుడ్ లో సత్తా చాటుతోన్న హీరోయిన్లలో వైష్ణవి చైతన్య ఒకరు. హైదరాబాద్‌కు చెందిన ఈ ముద్దుగుమ్మ మొదట యూట్యూబర్ గా కెరీర్ ప్రారంభించింది. షార్ట్‌ ఫిలింస్, వెబ్ సిరీస్‌లతో మంచి గుర్తింపు తెచ్చుకుంది. ఆ తర్వాత సినిమా ఇండస్ట్రీలోకి అడుగు పెట్టింది. మొదట చిన్న చితకా పాత్రలు చేసింది. అలా వైకుంఠపురంలో, రంగ్ దే, టక్ జగదీష్, వరుడు కావలెను తదితర సినిమాల్లో వైష్ణవి సహాయక నటిగా మెప్పించింది. ఇక బేబీ మూవీతో హీరోయిన్ గా అరంగేట్రం చేసిందీ అందాల తార. ఈ సినిమాలో నటనతో ఓవర్‌నైట్ స్టార్‌గా మారిపోయిందీ అందాల తార. సినిమా కూడా బ్లాక్ బస్టర్ గా నిలిచింది. ఆ తర్వాత లవ్ మీ, జాక్ సినిమాలలో హీరోయిన్‌గా నటించింది. ఇక ఇటీవలే ఎపిక్ అనే సినిమాతో ఆడియెన్స్ ను పలకరించింది వైష్ణవి. బేబీ హీరో ఆనంద్ దేవరకొండ ఇందులో హీరోగా నటించాడు. సెప్టెంబర్ 11న విడుదలైన ఈ సినిమా యావరేజ్ గా నిలిచింది. కాగా ఎపిక్ సినిమా ప్రమోషన్లలో భాగంగా పలు ఛానెల్స్ కు ఇంటర్వ్యూలు ఇచ్చింది వైష్ణవి. ఇందులో భాగంగా తన పర్సనల్ అండ్ ప్రొఫెషనల్ లైఫ్ నకు సంబంధించి పలు ఆసక్తికర విషయాలను పంచుకుది. ఇదే సందర్భంగా తన వయసు గురించి వస్తున్న రూమర్స్‌కు వైష్ణవి చైతన్య చెక్ పెట్టింది.

ఇంటర్వ్యూలో భాగంగా ఒక పాత్రలో కొన్ని చీటీలు ఉంచి వాటిలో ఒక్కొక్క దానిని సెలెక్ట్ చేసుకోమని యాంకర్ వైష్ణవికి ఇచ్చింది. వికిపీడియా ప్రకారం మీ వయసు 32 సంవత్సరాలు అని ఉంది. అయినప్పటికీ మీరు 25 ఏళ్ల అమ్మాయిలా యంగ్‌గా కనిపిస్తున్నారు.. ఇలా ఉండేందుకు మీ బ్యూటీ సీక్రెట్ ఏంటని యాంకర్ ప్రశ్నించింది. దీనికి వైష్ణవి ఇలా స్పందించింది. ‘వికిపీడియాలో నా వయసు గురించి ఉన్నది పూర్తిగా తప్పుడు సమాచారం. అందులో చెప్పినట్లు నా బర్త్ ప్లేస్ కూడా కరెక్ట్ కాదు. నా వయసు 25 ఏళ్లు మాత్రమే’ అని ట్రోలర్లకు స్ట్రాంగ్ కౌంటరిచ్చింది వైష్ణవి. ఇక ఇదే ఇంటర్వ్యూలో భాగంగా ఒక గేమ్‌‌లో మీ ఆధార్ కార్డ్ ఫోటో చూపించమని యాంకర్ అడగ్గా వెంటనే తన మొబైల్ లో ఉన్న ఆధార్ ఫొటో చూపించింది వైష్ణవి. అందులో తను పుట్టిన సంవత్సరం 2001గా ఉంది. ప్రస్తుతం వైష్ణవి కామెంట్స్ నెట్టింట వైరల్ గా మారాయి.

ఇవి కూడా చదవండి

థియేటర్లలో ఉండగానే ఓటీటీలోకి వచ్చేసిన రవితేజ 'ఇరుముడి'

బోనాలు సమర్పించడంపై ట్రోలింగ్.. మరోసారి స్పందించిన ఫరియా

గణేషుని పూజా ప్రసాదాన్ని నిరాకరించిన 'రామయణం' హీరో.. వీడియో

ఎంఎస్ అమ్మనే రష్మికను ఎంచుకుందేమో! అల్లు అరవింద్ కామెంట్స్

వైష్ణవి చైతన్య లేటెస్ట్ ఫొటోస్..

View this post on Instagram

A post shared by Vaishnavi Chaitanya (@vaishnavi_chaitanya_)

మరిన్ని సినిమా వార్తల కోసం ఇక్కడ క్లిక్ చేయండి.