OTT Movie: కళ్లకు కట్టినట్టుగా.. ఒసామా బిన్ లాడెన్పై వెబ్ సిరీస్.. తెలుగులోనూ చూడొచ్చు..ఆ సీన్స్ హైలెట్
కరుడు గట్టిన తీవ్రవాది ఒసామా బిన్ లాడెన్ జీవిత కథ ఆధారంగా ఈ వెబ్ సిరీస్ ను తెరకెక్కించారు. అమెరికాను అస్తవ్యస్తం చేసిన 9/11 ఉగ్రదాడిని ఇందులో ప్రధానంగా చూపించారు. తెలుగుతో పాటు అన్ని భారతీయ భాషల్లోనూ ఈ సిరీస్ స్ట్రీమింగ్ అవుతోంది.
Updated on: Jul 01, 2025 | 10:15 AM
ఇప్పుడు ఓటీటీల్లో రియల్ స్టోరీలకు బాగా ఆదరణ పెరుగుతోంది. అందుకు తగ్గట్టుగానే నిజ జీవితంలో జరిగిన సంఘటనలు, కొందరు ప్రముఖుల జీవిత కథల ఆధారంగా సినిమాలు, వెబ్ సిరీస్ లు తెరకెక్కుతున్నాయి. ఈ నేపథ్యంలోనే 9/11 ఉగ్ర దాడి ప్రధాన సూత్ర ధారి, కరడు గట్టిన తీవ్ర వాది ఒసామా బిన్ లాడెన్ జీవిత కథ ఆధారంగా ఈ వెబ్ సిరీస్ తెరకెక్కింది. అమెరికా దేశ చరిత్రలోనే దారుణ ఘటన ఈ 9/11 ఉగ్రదాడి. న్యూయార్క్ నగరంలోని రెండు పెద్ద ఆకాశ హార్మ్యాలను విమానాలతో నేలమట్టం చేసి దాదాపు 3000కి పైగాప్రాణాలను బలిగొన్న ఈ ఘటన అత్యంత హేయమైన ఈ తీవ్రవాద దాడిగా చరిత్రలో నిలిచిపోయింది. దీనికి బాధ్యులెవరో ప్రత్యేకంగా చెప్పక్కర్లేదు. అలా ది మోస్ట్ వాంటెడ్ టెర్రరిస్ట్ అయిన ఒసామా బిన్ లాడెన్ ను నిఘా సంస్థలు ఎలా మట్టుబెట్టాయన్నది ఎంతో ఉత్కంఠగా, కళ్లకు కట్టినట్టుగా ఈ సిరీస్ లో చూపించారు. ఈ సిరీస్ మొత్తంలో చాలా సన్ని వేశాలను కొన్ని వాస్తవిక సన్నివేశాలతో తెరకెక్కించడం విశేషం. ఒసామా బిన్ లాడెన్ ను హతమార్చడానికి జరిగిన ఆపరేషన్ గురించి అధికారులు ఎప్పటికప్పుడు అప్పటి అమెరికన్ ప్రెసిడెంట్కి బ్రీఫ్ చేయడం, అలాగే అప్పటి ఈ ఆపరేషన్కు సంబంధించిన కొందరు అధికారుల వీడియో బైట్స్ను కూడా చాలా చక్కగా ఎడిట్ చేసి ఈ వెబ్ సిరీస్ లో చూపించారు.
‘అమెరికన్ మేన్ హంట్: ఒసామా బిన్ లాడెన్’ పేరుతో తెరకెక్కిన ఈ వెబ్ సిరీస్ లో మొత్తం మూడు భాగాలున్నాయి. ఓటీటీ దిగ్గజం నెట్ ఫ్లిక్స్లో ఈ సిరీస్ స్ట్రీమ్ అవుతోంది. తెలుగు భాషతోపాటు దాదాపు అన్ని భారతీయ భాషల్లోనూ ఈ సిరీస్ స్ట్రీమింగ్ అవుతోంది. 9/11 ఉగ్రదాడికి సంబంధించి ఎవరికీ తెలియని కొన్ని సంచలన విషయాలను ఈ వెబ్ సిరీస్ లో చూపించారు. కాబట్టి ఈ సిరీస్ కు ఓటీటీలో మంచి రెస్పాన్స్ వస్తోంది.
నెట్ ఫ్లిక్స్ లో స్ట్రీమింగ్.. తెలుగులోనూ చూడొచ్చు..
Everyone should watch American Manhunt: The Search for Osama bin Laden on @Netflix—not just to remember what the intelligence community missed before 9/11, but to recognize how blind we are today. Our government has less access to, and collection on, al-Qaeda’s core senior… pic.twitter.com/Uyt2vuH73m
— Sarah Adams (@TPASarah) May 22, 2025
మరిన్ని సినిమా వార్తల కోసం ఇక్కడ క్లిక్ చేయండి..
