Wild Dog : నెట్ ఫ్లిక్స్‏లో ‘వైల్డ్ డాగ్’… విడుదలైన 19 రోజుల్లోనే ఓటీటీలో స్ట్రీమింగ్ అవుతున్న నాగ్ మూవీ..

Wild Dog Movie On Netflix: అక్కినేని నాగార్జున ప్రధాన పాత్రలో.. నూతన దర్శకుడు అషిషోర్ సోలోమెన్ తెరకెక్కించిన సినిమా ‘వైల్డ్ డాగ్’. హైదరాబాద్‏లో జరిగిన బాంబు దాడుల నేపథ్యంలో ఈ సినిమాను తెరకెక్కించగా.. మ్యాట్నీ ఎంట‌ర్‌టైన్‌మెంట్ బ్యానర్‌పై భారీ బడ్జెట్ కేటాయించి నిరంజన్‌రెడ్డి, అన్వేష్‌రెడ్డి సంయుక్తంగా నిర్మించారు. ఈ సినిమాలో నాగార్జున ఎన్‏కౌంటర్ స్పెషలిస్ట్ ఏసీపీ విజయ్ వర్మ పాత్రలో నటించారు. నాగ్ సరసన బాలీవుడ్ బ్యూటీ దియా మీర్జా హీరోయిన్‏గా నటించింది. అంతేకాకుండా ఈ సినిమాలో సయామీ ఖేర్ కీలక పాత్రలో నటించింది. దీనికి థమన్ సంగీతం అందించాడు. అయితే ఏప్రిల్ 2న విడుదలైన సినిమా అనుకున్నంత హిట్ సాధించకపోయిన.. ప్రశంసలను మాత్రం అందుకుంది.

అయితే మొదటి నుంచి ఈ సినిమాను ఓటీటీలోనే విడుదల చేయాలని భావించింది చిత్రయూనిట్. కానీ చివరి నిమిషంలో థియేటర్లలో విడుదల చేశారు మేకర్స్. తాజాగా ఈ సినిమాను నెట్ ఫ్లిక్స్ లో విడుదల చేసింది చిత్రయూనిట్. ఏప్రిల్ 21 అర్థరాత్రి నుంచి వైల్డ్ డాగ్ సినిమా స్ట్రీమింగ్ అవుతోంది. విడుదలైన 19 రోజుల్లోనే నాగార్జున సినిమాలో ఓటీటీలోకి ఎంట్రీ ఇచ్చింది. థియేటర్లలో విడుదలైన 40-45 రోజులలో తమ వైల్డ్ డాగ్ సినిమా OTTలో విడుదల అవుతుందని దర్శక నిర్మాతలు తెలిపారు. అయితే ఇప్పుడు ఇంత త్వరగా ఉన్నట్లుండి ఓటీటీలోకి తీసుకొస్తుండటం మాత్రం ఆసక్తికరంగా మారింది. సయామి ఖేర్, అలీ రెజా, అతుల్ కులకర్ణి తదితరులు ఈ సినిమాలో నటించారు.

ట్వీట్..

#WildDog, which has received Blockbuster Response will Premiere on @NetflixIndia from midnight today. #WildDogOnNetflix@iamnagarjuna @ahishor @MusicThaman @Deonidas @deespeak @SaiyamiKher @ActorAliReza @mayankparakh19 #PrakashSudarshan @onelifeitiz @pasha_always @MatineeEnt pic.twitter.com/yam4kT20eg

— BARaju (@baraju_SuperHit) April 21, 2021

Also Read: పోస్టాఫీసులో అదిరిపోయే స్కీమ్.. రోజుకు రూ.22 ఆదా చేస్తే.. ఏకంగా రూ.8 లక్షలు పొందవచ్చు…

SBI కస్టమర్లకు శుభవార్త… ఆ అకౌంట్ ఉంటే రూ. 2 లక్షలు మీ సొంతం.. అది ఎలానో తెలుసా..