Aaradhya : ఐశ్వర్య ఆరాధ్య చేతిని వదిలేయి.. మరోసారి ట్రోలర్ల బారిన పడ్డ తల్లీకూతుళ్లు..

సోషల్‌ మీడియాలో నటీనటులను అనుసరించే అభిమానులు వారి సోషల్‌ మీడియా ఖాతాలపై కూడా ఓ కన్నేసి ఉంచుతారు. నిత్యం వారు పోస్ట్‌ చేసే ఫొటోలు, వీడియోలపై లైకులు, కామెంట్ల వర్షం కురిపిస్తుంటారు.

Basha Shek |
Updated on: Nov 24, 2021 | 10:16 PM

సోషల్‌ మీడియాలో నటీనటులను అనుసరించే అభిమానులు వారి సోషల్‌ మీడియా ఖాతాలపై కూడా ఓ కన్నేసి ఉంచుతారు. నిత్యం వారు పోస్ట్‌ చేసే ఫొటోలు, వీడియోలపై లైకులు, కామెంట్ల వర్షం కురిపిస్తుంటారు. సెలబ్రిటీలే కాదు వారి వారసుల పోస్ట్‌లకు కూడా అలాగే స్పందిస్తుంటారు. ఈ క్రమంలో బాలీవుడ్‌ నటి ఐశ్వర్య రాయ్‌, అభిషేక్‌ బచ్చన్‌ల గారాల పట్టి ఆరాధ్య బచ్చన్‌కు సంబంధించిన ఓ వీడియో సామాజిక మాధ్యమాల్లో వైరల్‌గా మారింది. ఆరాధ్య పదో పుట్టిన రోజు వేడుకల కోసం ఐశ్వర్య- అభిషేక్‌ల కుటుంబం మాల్దీవుల పర్యటనకు వెళ్లిన సంగతి తెలిసిందే. తాజాగా వీరు ముంబయికి తిరిగి వచ్చారు.

ఈ క్రమంలో ముంబయి విమానాశ్రయంలో ఐశ్వర్య తన కూతురు ఆరాధ్యతో కలిసి నడుస్తోన్న ఓ వీడియో నెట్టింట్లో వైరల్‌గా మారింది. చాలా రోజుల తర్వాత తల్లీకూతుళ్లు జంటగా కనిపించడంతో చాలామంది నెటిజన్లు సానుకూలంగా స్పందిస్తూ లైకులు, కామెంట్ల వర్షం కురిపించారు. అదే సమయంలో కొందరు మాత్రం నెగెటివ్‌ కామెంట్లు చేశారు. ముఖ్యంగా ఆరాధ్య క్యాట్‌వాక్‌పై.. ‘చుట్కీ నడక చూడండి’, ‘ ఆరాధ్య నడకకు ఏమైంది’ అని ట్రోల్‌ చేశారు. ఇక ఈ వీడియోలో ఐశ్వర్య తన కూతురు చేతిని గట్టిగా పట్టుకోవడంపై ‘ఐశ్వర్య ఆరాధ్య చేతిని వదిలేయి’ అని మరికొందరు స్పందించారు. మరి నెట్టింట్లో వైరల్‌గా మారిన ఈ వీడియోపై మీరూ ఓ లుక్కేయండి.