‘సైరా‘కు సెన్సార్ పూర్తి.. ఇన్నర్ టాక్ ఏంటంటే..!

మెగాస్టార్ చిరంజీవి నటించిన ప్రతిష్టాత్మక చిత్రంకు ‘సైరా’కు సెన్సార్ పూర్తి అయ్యింది. ఈ సినిమాను చూసిన సెన్సార్ సభ్యులు ఎలాంటి కట్‌లు లేకుండా ‘యు/ఎ’ సర్టిఫికేట్‌ను ఇచ్చారు. ఈ విషయాన్ని చిత్ర యూనిట్ సోషల్ మీడియాలో వెల్లడించింది. కాగా ఈ మూవీపై సెన్సార్ సభ్యులు ప్రశంసలు కురిపించినట్లు తెలుస్తోంది. మూవీలో చిరు నటన అదిరిపోయిందని.. ప్రధాన పాత్రాధారులందరూ సినిమాకు పెద్ద ప్లస్ అని.. యాక్షన్ సన్నివేశాలు సినిమాకు హైలెట్‌గా నిలుస్తాయని.. మ్యూజిక్ కూడా అదిరిపోయిందని చిరు కెరీర్‌లో మరో విజయం ఖాయమని సెన్సార్ సభ్యులు చెప్పినట్లు సమాచారం. ఇక సెన్సార్ కూడా పూర్తి అవ్వడంతో ప్రమోషన్లలో మరింత వేగాన్ని పెంచనుంది సైరా టీం.

కాగా తొలి స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా సైరా తెరకెక్కింది. చిరంజీవి డ్రీమ్ ప్రాజెక్ట్‌ అయిన సైరాను రామ్ చరణ్ భారీ బడ్జెట్‌తో నిర్మించగా.. సురేందర్ రెడ్డి దర్శకత్వం వహించాడు. ఇక ఇందులో చిరు సరసన నయనతార నటించగా.. అమితాబ్ బచ్చన్, జగపతి బాబు, సుదీప్, విజయ్ సేతుపతి, రవి కిషన్, తమన్నా, నిహారిక తదితరులు కీలక పాత్రలలో కనిపించనున్నారు. అమిత్ త్రివేది సంగీతం అందించిన ఈ చిత్రం తెలుగు, తమిళం, హిందీ, కన్నడ, మలయాళ భాషల్లో అక్టోబర్ 2న విడుదల కాబోతోంది. చిరు డ్రీమ్ ప్రాజెక్ట్‌గా తెరకెక్కడం.. బహుభాషా నటులు ఈ మూవీలో భాగం కావడం, టీజర్, ట్రైలర్ అందరినీ ఆకట్టుకోవడంతో సైరాపై భారీ అంచనాలు ఉన్నాయి. మరి ఈ అంచనాలను చిరు ఏ మేరకు అందుకుంటాడో తెలియాలంటే కొద్ది రోజులు ఆగాల్సిందే.

Certified U/A! Censor done with no cuts… MEGA RELEASE worldwide on October 2nd. Are you ready to see high octane action unleash on screen? @DirSurender #RamCharan #MegastarChiranjeevi #SyeRaa #SyeRaaOnOct2nd #SyeRaaNarasimhaReddy pic.twitter.com/H2ndK3kQbz

— Konidela Pro Company (@KonidelaPro) September 23, 2019