సినీ నటిగా మారిన ఏపీ డిప్యూటీ సీఎం.. క్యారెక్టర్ ఏంటో తెలుసా..?

సీనీ ప్రముఖులు రాజకీయాల్లోకి రావడం కామన్ అయిపోయింది. కాని రాజకీయ ప్రముఖులు సినీ ఆరంగేట్రం చేయడం ఇదే మొదటిసారి ఏమో అనిపిస్తోంది. ఇంతకీ ఎవరు అనుకుంటున్నారు. రాజకీయాల్లోకి వచ్చిన కొద్ది రోజుల్లోనే తనకంటూ ప్రత్యేక గుర్తింపు తెచ్చుకున్న ఏపీ డిప్యూటీ సీఎం పుష్పశ్రీ వాణి.. ఇప్పుడు తెలుగు తెరపై మెరవనున్నారు. ప్రకృతి వ్యవసాయం ప్రాధాన్యం తెలిపేలా తెరకెక్కిస్తున్న అమృత భూమి అనే తెలుగు సినిమాలో ఆమె నటిస్తున్నారు. కాగా, ఆమె ఈ సినిమాలో ఓ టీచర్ పాత్రలో కనిపించనున్నారు. మరో అధికారి పాత్రలో కలెక్టర్ జవహర్‌లాల్ కూడా కనిపించనున్నారు. ఈ మూవీకి సంబంధించి గిరిజన సంక్షేమ ఆశ్రమ పాఠశాల ఆవరణలో జరిపిన షూటింగ్‌‌లో ఆమె టీచర్‌గా నటించిన సన్నివేశాన్ని షూట్ చేశారు.