Vijay sethupathi: మక్కల్‌ సెల్వన్ సినిమా టీజర్‌కు సూపర్‌ రెస్పాన్స్‌.. ఒక్క రోజులోనే కోటికి పైగా వ్యూస్‌..

Vijay sethupathi: మక్కల్‌ సెల్వన్ సినిమా టీజర్‌కు సూపర్‌ రెస్పాన్స్‌.. ఒక్క రోజులోనే కోటికి పైగా వ్యూస్‌..
Vijay Sethupathi

Kaathuvaakula Rendu Kaadhal: తమిళ మక్కల్‌ సెల్వన్‌ విజయ్ సేతుపతి (Vijay Sethupathi) కి టాలీవుడ్‌లో కూడా మంచి క్రేజ్‌ ఉంది.

Basha Shek

|

Feb 13, 2022 | 5:00 PM

Kaathuvaakula Rendu Kaadhal: తమిళ మక్కల్‌ సెల్వన్‌ విజయ్ సేతుపతి (Vijay Sethupathi) కి టాలీవుడ్‌లో కూడా మంచి క్రేజ్‌ ఉంది. ఆయననటించిన సినిమాలు తెలుగులోనూ డబ్ అయ్యి మంచి విజయాలను అందుకున్నాయి. ఈ కోలీవుడ్‌ సూపర్‌ స్టార్ నటిస్తోన్న తాజా చిత్రం ‘కాత్తు వాక్కుల రెండు కాదల్‌’. నయనతార (Nayanatara), సమంత (Samantha) విజయ్‌ సేతుపతితో రొమాన్స్‌ చేయనున్నారు. విఘ్నేశ్‌ శివన్ ఈ రొమాంటిక్‌ ఎంటర్‌టైనర్‌కు దర్శకత్వం వహిస్తుండగా నయనతార, విఘ్నేష్‌లకు చెందిన రౌడీ పిక్చర్స్‌ సంస్థ, 7 స్ర్కీన్స్‌ స్టూడియోస్‌ సంస్థలు సంయుక్తంగా ఈ సినిమాను తెరకెక్కిస్తున్నాయి. స్టార్‌ మ్యూజిక్‌ డైరెక్టర్‌ అనిరుధ్‌ రూపొందించిన స్వరాలు ఇప్పటికే సంగీతాభిమానులను బాగా ఆకట్టుకుంటున్నాయి. ఇప్పటికే షూటింగ్‌ పూర్తి చేసుకున్న ఈ సినిమా ఏప్రిల్‌ 28న ప్రపంచవ్యాప్తంగా విడుదల కానుంది. దీంతో చిత్రబృందం ప్రమోషన్‌ కార్యక్రమాలను ప్రారంభించింది .ఇప్పటికే విడుదలైన ఈ సినిమా పోస్టర్లు ప్రేక్షకులను ఆకట్టుకున్నాయి.

ముక్కోణపు ప్రేమకథతో..

తాజాగా ఈ సినిమా నుంచి టీజర్ ను విడుదల చేసింది చిత్రబృందం. లవ్ అండ్ కామెడీ నేపథ్యంలో ఈ సినిమా ఉండనుందని ట్రైలర్ చూస్తే అర్థమవుతుంది. ఈ సినిమాలో ఇద్దరు అమ్మాయిలను ప్రేమించి అవస్థలు పడే వ్యక్తిగా సేతుపతి కనిపించారు. ఈ సినిమాలో రాంబోగా విజయ్ సేతుపతి, కన్మణిగా నయనతార, ఖతీజా గా సమంత కనిపించి మెప్పించారు. కాగా ఈ టీజర్ ఒక్క రోజులోనే కోటి (10 మిలియన్) వ్యూస్ సాధించడం విశేషం. ఇప్పటివరకు ఈ టీజర్‌ను 12 మిలియన్ల మంది వీక్షించారు. కాగా ఈ విషయాన్ని తెలుపుతూ.. చిత్రబృందం అధికారికంగా ఓ పోస్టర్‌ని కూడా విడుదల చేసింది. టీజర్‌ను సూపర్‌ హిట్‌ ను చేసినందుకు కృతజ్ఞతలు తెలిపింది. కాగాఈ సినిమాను తెలుగులో కణ్మణి రాంబో ఖతిజా పేరుతో విడుదల చేయనున్నారు.

Also Read:Chanakya Niti: మనిషి తన సంపాదనను ఈ నాలుగు విధాలుగా ఖర్చు చేయాలని సూచిస్తున్న చాణక్య..

Sarkaru Vaari Paata: కళావతి ఒరిజినల్ వచ్చేసింది.. అదిరిపోయిన మహేష్ కీర్తి కెమిస్ట్రీ..

Pushpa: ఇప్పటి నుంచి నా అభిమాన నటుల్లో బన్నీ ఒకరు.. పుష్పరాజ్‌పై ప్రశంసలు కురిపించిన బాలీవుడ్ దిగ్గజ నటుడు..

 

Follow us on

Related Stories

Most Read Stories

Click on your DTH Provider to Add TV9 Telugu