షూటింగ్లో తమిళ స్టార్ హీరో ‘ఆర్య’కు గాయాలు.. అయినా చిత్రీకరణ పూర్తిచేసిన ‘ఎనిమీ’ నటుడు..
తమిళ స్టార్ హీరో ఆర్య తీవ్ర గాయాలపాలయ్యారు. ఆయన నటిస్తున్న ఎనిమీ సినిమా షూటింగ్లోనే ఆయనకు ప్రమాదం జరిగినట్టుగా తెలుస్తోంది.
తమిళ స్టార్ హీరో ఆర్య తీవ్ర గాయాలపాలయ్యారు. ఆయన నటిస్తున్న ఎనిమీ సినిమా షూటింగ్లోనే ఆయనకు ప్రమాదం జరిగినట్టుగా తెలుస్తోంది. తమిళ స్టార్ హీరోలు విశాల్, ఆర్య కలిసి నటిస్తున్న చిత్రం ఎనిమీ. ఇక ఇద్దరు ఒక యాక్షన్ సీక్వెన్స్ సన్నివేశాన్ని చిత్రీకరిస్తుండగా.. ఆర్య గాయాలపాలయ్యాడట. ఈ ఇద్దరు స్టార్ హీరోలు ఎలాంటి డూప్ లేకుండానే ఆ యాక్షన్ సీని కోసం నటించారు. ఇదే సమయంలో హీరో ఆర్యకు ప్రమాధం జరిగి తీవ్ర గాయాలయ్యాయి. దీంతో ఆయనను వెంటనే సమీపంలో ఉన్న ఆసుపత్రికి తరలించి చికిత్స అందించారు. చికిత్స అనంతరం తిరిగి సెట్లోకి అడుగుపెట్టారట ఆర్య. గాయం ఉన్నప్పటికీ ఆ సన్నివేశాన్ని చిత్రీకరించడానికి ఆర్య తిరిగి షూటింగ్లో పాల్గొన్నారు. ఈ ఇద్దరు నటిస్తున్న ఎనిమీ చిత్రానికి ఆనంద్ శంకర్ దర్శకత్వం వహిస్తున్నారు. తమన్ సంగీతం అందిస్తున్నారు. గతంలో విశాల్, ఆర్య కాంబినేషన్లో వచ్చిన వాడు వీడు సినిమా బాక్సాఫీసు దగ్గర కాసుల వర్షం కురిపించింది. ఈ చిత్రంలో పక్కా పల్లెటూరి మొరటోళ్ళుగా నటించి మంచి గుర్తింపును పొందారు.