Genelia- Riteish: భర్తను చితగ్గొట్టిన హాసినీ.. నెట్టింట్లో వైరల్ గా మారిన వీడియో..
'బొమ్మరిల్లు' సినిమాలోని 'హాసిని' పాత్రతో మన పక్కింటి అమ్మాయిలాగా పేరు తెచ్చుకుంది జెనీలియా (Genelia).
Updated on: Feb 13, 2022 | 9:31 PM
‘బొమ్మరిల్లు’ సినిమాలోని ‘హాసిని’ పాత్రతో మన పక్కింటి అమ్మాయిలాగా పేరు తెచ్చుకుంది జెనీలియా (Genelia). ఆతర్వాత డీ, రెడీ, సత్యం తదితర హిట్‌ సినిమాలతోనూ టాలీవుడ్‌ ప్రేక్షకులకు మరింత చేరువైంది. బాలీవుడ్‌లోనూ అడుగుపెట్టి మంచి విజయాలు సొంతం చేసుకుంది. ఈక్రమంలోనే హీరో రితేశ్‌ దేశ్‌ముఖ్‌ (Riteish Deshmkh)తో ప్రేమలో పడి పెళ్లిపీటలెక్కింది. ఆతర్వాత ఇద్దరు పిల్లలకు తల్లిగా మారింది. తల్లైన తర్వాత సినిమాలకు దూరంగా ఉన్నా సోషల్‌ మీడియా (Socialmedia) లో మాత్రం చాలా యాక్టివ్‌ గా ఉంటోంది. తన ఇద్దరు పిల్లల ఫొటోలు, వీడియోలను షేర్‌ చేస్తుంటుంది. ఇక భర్త రితేష్ తో కలసి జెన్నీ చేసే వీడియోలు నెట్టింట్లో తెగ వైరల్ అవుతుంటాయి. నెటిజన్లను కూడా ఎంతగానో అలరిస్తుంటాయి. ఈ క్రమంలో రితేష్ తో కలిసి ఆమె చేసిన మరో వీడియో నెటిజన్లతో నవ్వు తెప్పిస్తోంది.
ఆపరా బాబు..!
ఈ హిలేరియస్ వీడియోలో జెనీలియా, రితేష్‌లిద్దరూ ‘నాచ్ నాచ్ నాచ్’ అనే పాటకు డ్యాన్స్ చేస్తారు. అయితే సాంగ్‌ ఒకే రిథమ్‌లో వెళుతుండడంతో జెనీలియా డ్యాన్స్ చేయడం ఆపేస్తుంది. కానీ రితేష్ మాత్రం తన మానాన తాను ఎంతో ఉత్సాహంగా డ్యాన్స్ కొనసాగిస్తాడు. . దీంతో జెన్నీకి చిర్రెత్తుకొస్తుంది. ఈ సమయంలో ఆమె ముఖంలోని ఎక్స్‌ప్రెషన్స్‌ చూస్తే ఎవరికైనా నవ్వు రావాల్సిందే. ఆతర్వాత ‘ఆపరా బాబూ’ అంటూ రితేష్‌ని ఇరగ్గొడుతుంది. అయితే రితేష్ మాత్రం ఆమెను పట్టించుకోడు. ఒక వైపు జెనీలియా కొడుతున్నా కూడా.. రితేష్ మాత్రం తన డ్యాన్స్ ఆపడు. ఇక తన కోపాన్ని ఆపుకోలేని జెనీలియా.. రితేష్‌ని మరింత చితగ్గొడుతుంది. దీంతో రితేష్ డ్యాన్స్ ఆపడంతో పాటు ముఖం చిన్నబుచ్చుకుంటాడు. అయితే ఇదంతా ఫన్ కోసమే చేసినా… వీడియో మాత్రం నెటిజన్లను తెగ ఆకట్టుకుంటోంది. బాలీవుడ్ సెలబ్రిటీలు కూడా ప్రశంసలు కురిపిస్తున్నారు. మరి ఈ హిలేరియస్ వీడియోపై మీరూ ఓ లుక్కేయండి.
View this post on Instagram
CM KCR: అందుకే రాజ్యాంగం మార్చాలన్నాను..అందులో తప్పేముంది? కేంద్రంపై విరుచుకుపడిన సీఎం కేసీఆర్‌..
Bitter Gourd: మీరు కాకరకాయ తినడం లేదా.. అయితే ఈ విషయాలు తెలుసుకోవాల్సిందే..
