Ravi Teja: మాస్ మహారాజాను ఢీ కొట్టనున్న అందాల తార.. రవితేజాకు విలన్‌గా ఆ హీరోయిన్..
Ravi Teja: మాస్ మహారాజా రవితేజ వరుస సినిమాలతో దూసుకుపోతున్నారు. ఒకేసారి ఏకంగా మూడు సినిమాలను లైన్‌ పెట్టారు. ఇప్పటికే 'ఖిలాడీ' చిత్రాన్ని పూర్తి చేసే పనిలో పడ్డ రవితేజ, ఈ సినిమా ఇంకా...
Updated on: Jan 06, 2022 | 7:38 AM
Ravi Teja: మాస్ మహారాజా రవితేజ వరుస సినిమాలతో దూసుకుపోతున్నారు. ఒకేసారి ఏకంగా మూడు సినిమాలను లైన్‌ పెట్టారు. ఇప్పటికే ‘ఖిలాడీ’ చిత్రాన్ని పూర్తి చేసే పనిలో పడ్డ రవితేజ, ఈ సినిమా ఇంకా విడుదలకాక ముందే ‘రామారావు ఆన్ డ్యూటీ’ చిత్రాన్ని పట్టాలెక్కించారు. ఇక ఈ సినిమాతో పాటు సుధీర్‌ వర్మ దర్శకత్వంలో ‘రావణాసుర’ అనే చిత్రంలో నటిస్తున్నారు రవితేజ. ఇప్పటికే ఈ చిత్రానికి సంబంధించి అధికారిక ప్రకటన చేసిన చిత్రయూనిట్‌ సంక్రాంతి నుంచి సినిమా రెగ్యులర్‌ షూటింగ్‌ను ప్రారంభించనుంది. సంక్రాంతి సందర్భంగా జవనరి 14న పూజా కార్యక్రమాలతో లాంఛనంగా సినిమాను ప్రారంభించనున్నారు.
ఈ క్రమంలోనే నటీనటులను ఖరారు చేసే పనిలో పడింది చిత్రయూనిట్‌. కథ ప్రకారం ఈ సినిమాలో రవితేజాను ఓ లేడీ విలన్‌ ఢీకొట్టనున్నట్లు సమాచారం. ఈ పవర్‌ఫుల్‌ పాత్ర కోసం హీరోయిన్‌ను రంగంలోకి దించేందుకు చిత్ర యూనిట్ సిద్ధమవుతోంది. ఈ పాత్రకు దక్షా నగార్కర్‌ను ఎంపిక చేసినట్లు తెలుస్తోంది. సినిమా కథ విన్న దక్షా నగార్కర్ తన పాత్ర నచ్చడంతో సినిమా చేసేందుకు ఓకే చెప్పినట్లు సమాచారం. ఇదిలా ఉంటే హుషారు సినిమాతో తొలిసారి తెలుగు ప్రేక్షకులకు పరిచయమైన ఈ అందాల తార తర్వాత.. జాంబిరెడ్డి చిత్రంతో మరోసారి ప్రేక్షకులను ఆకట్టుకుంది. ఇక రావణాసుర సినిమాలో రవితేజ లాయర్‌ పాత్రలో కనిపించనున్నారు.
Aadi Saikumar : రిలీజ్ డేట్ ఆల‌స్యం కారణంగా నా సినిమాలకు నష్టం వచ్చింది : హీరో ఆది సాయికుమార్
