ఒక్కటి రెండు కాదు.. ఏకంగా రూ.1,491 కోట్ల గౌను.. ఊర్వశి రౌతేలా సరికొత్త రికార్డు!

బాలీవుడ్ నటి ఊర్వశి రౌతేలా అంతర్జాతీయ వేదికలపై తన ఫ్యాషన్ సెన్స్‌తో ఎప్పుడూ సంచలనం సృష్టిస్తూనే ఉంటుంది. తాజాగా కేన్స్ 2026 రెడ్ కార్పెట్‌పై ఆమె సృష్టించిన విజువల్ వండర్ ప్రపంచవ్యాప్తంగా చర్చనీయాంశమైంది. ఈ ప్రతిష్టాత్మక వేడుకలో ఊర్వశి ధరించిన లుక్ విలువ సుమారుగా 155.87 మిలియన్ డాలర్లు అంటే దాదాపు రూ. 1,491 కోట్లు అన్నమాట.

Actress Urvashi Ratuela

Balaraju Goud |
Updated on: May 16, 2026 | 7:53 PM

బాలీవుడ్ నటి ఊర్వశి రౌతేలా అంతర్జాతీయ వేదికలపై తన ఫ్యాషన్ సెన్స్‌తో ఎప్పుడూ సంచలనం సృష్టిస్తూనే ఉంటుంది. తాజాగా కేన్స్ 2026 రెడ్ కార్పెట్‌పై ఆమె సృష్టించిన విజువల్ వండర్ ప్రపంచవ్యాప్తంగా చర్చనీయాంశమైంది. ఈ ప్రతిష్టాత్మక వేడుకలో ఊర్వశి ధరించిన లుక్ విలువ సుమారుగా 155.87 మిలియన్ డాలర్లు అంటే దాదాపు రూ. 1,491 కోట్లు అన్నమాట. ఫ్యాషన్ మీడియా దీనిని కేన్స్ చరిత్రలోనే అత్యంత ఖరీదైన లుక్‌గా అభివర్ణిస్తోంది.

వియాత్నాంకు చెందిన ప్రముఖ ఫ్యాషన్ హౌస్ జోలిపోలి కౌచర్ సహకారంతో ఈ అద్భుతమైన గౌనును రూపొందించారు. విపరీతమైన ఫాంటసీ శైలి, శిల్పకళాత్మక క్రిస్టల్ పనితనానికి ఈ బ్రాండ్ ప్రసిద్ధి. ఈ ప్రత్యేకమైన వస్త్రధారణను సిద్ధం చేయడానికి ఏకంగా ఐదు సంవత్సరాల సమయం పట్టిందట. ఫ్యాషన్ విశ్లేషకులు దీని ఉపరితలాన్ని లిక్విడ్ లగ్జరీగా అభివర్ణించారు. వేలాది స్ఫటికపు (క్రిస్టల్) అంశాలను అమర్చి, ఈ శిల్పకళా ఆకృతిని పూర్తిగా కప్పివేశారు. ముఖ్యంగా ఫ్లాష్ ఫోటోగ్రఫీ సమయంలో కాంతిని వక్రీభవనం చెందించేలా దీనిని రూపొందించడం వల్ల, రెడ్ కార్పెట్‌పై ఇదొక వజ్రం లాంటి దృశ్య భ్రాంతిని సృష్టించింది.

ఈ లుక్‌లో అందరినీ ఆకట్టుకున్న మరో ప్రధానాంశం.. డేగ (EAGLE) స్ఫూర్తితో రూపొందించిన ఒక అద్భుతమైన హెడ్‌గేర్. ఇది ఈ వస్త్రధారణకు ఒక రాజసం ఉట్టిపడే కిరీటంగా నిలిచింది. డేగ శక్తి, దూరదృష్టి, ఆధిపత్యానికి ప్రతీకగా దీనిని డిజైన్ చేశారు. క్లిష్టమైన లోహపు చట్రం, స్ఫటికపు అలంకరణతో కూడిన దీనిని పూర్తి చేయడానికి ఎనిమిది నెలల నిశితమైన శ్రమ అవసరమైంది. ఫ్యాషన్ రచయితలు దీనిని ‘కౌచర్ పురాణం’ అని కొనియాడారు. దీనికి అదనపు హంగులుగా రెండు విలాసవంతమైన యాక్సెసరీలు చేరాయి. అందులో మొదటిది, ప్రపంచవ్యాప్తంగా సెలబ్రిటీలు ఇష్టపడే ‘జుడిత్ లీబర్ క్రిస్టల్ మినాడియర్’ సాయంత్రపు బ్యాగ్. రెండవది, అత్యంత అరుదైన రంగులరాట్నం స్ఫూర్తితో, గుర్రపు ఆకృతులతో రూపొందించిన క్లిష్టమైన క్రిస్టల్ క్లచ్.

ఆసక్తికరమైన విషయమేమిటంటే, కేన్స్ 2025లోనూ ఊర్వశి దాదాపు ఇంతే విలువైన $155.86 మిలియన్లు అంటే రూ. 1,294 కోట్ల విలువైన మైఖేల్ సింకో గౌనుతో మెరిసింది. అప్పట్లో కిమ్ కర్దాషియాన్ మార్లిన్ మన్రో ఐకానిక్ డ్రెస్ – 4.8 మిలియన్ డాలర్ల రికార్డును అధిగమించిన ఊర్వశి, ఈ ఏడాది తన సొంత రికార్డును తానే బ్రేక్ చేస్తూ సరికొత్త చరిత్ర సృష్టించింది. ఏదేమైనా, ఈ భారీ విలువలపై సోషల్ మీడియాలో భిన్నాభిప్రాయాలు వ్యక్తమవుతున్నప్పటికీ, ఊర్వశి రౌతేలా మాత్రం గ్లోబల్ ఫ్యాషన్ ఐకాన్‌గా మరోసారి వార్తల్లో నిలిచింది.