Shabaash Mithu: అదరగొట్టిన తాప్సీ.. శభాష్ మిథు ట్రైలర్ వేరేలెవల్.. మీరు చూసేయ్యండి..
చిన్నతనం నుంచి క్రికెటర్ కావాలని ఆరాటపడిన మిథాలీ.. తన లక్ష్యం కోసం జీవితంలో ఎన్ని ఒడిదుడుకులను.. అవమానాలను ఎదుర్కొంది..
భారత మహిళా క్రికెట్లో ఎన్నో సేవలు అందించి.. ఉమెన్స్ జట్టుకు ప్రత్యేక గుర్తింపు తీసుకువచ్చింది కెప్టెన్ మిథాలీ రాజ్ (Mithali Raj).. దాదాపు రెండు దశాబ్దాల పాటు క్రికెట్లో విశేషమైన సేవలందించి ఇటీవల రిటైర్మెంట్ ప్రకటించింది. ఇప్పుడు ఆమె జీవిత కథను వెండితెరపై చూపించబోతున్నారు బాలీవుడ్ డైరెక్టర్ శ్రీజిత్.. తొలిసారి లేడీ క్రికెటర్ జీవిత కథ ఆధారంగా తెరకెక్కుతున్న ఈ సినిమాలో మిథాలీ పాత్రలో స్టార్ హీరోయిన్ తాప్సీ నటిస్తోంది. ఇప్పటికే షూటింగ్ పూర్తి చేసుకున్న ఈ సినిమా విడుదలకు సిద్దంగా ఉంది.. వయాకామ్‌ 18 స్డూడియోస్‌ సంస్థ నిర్మిస్తున్న ఈ సినిమాను వచ్చే నెలలో విడుదల చేయనున్నారు. ఇప్పటికే ఈ చిత్రానికి సంబంధించి విడుదలైన టీజర్‌, పోస్టర్‌లు ప్రేక్షకులను ఆకట్టుకున్నాయి. ఈ మూవీ ప్రమోషన్లలో భాగంగా తాజాగా సోమవారం ఉదయం శభాష్ మిథు ట్రైలర్ రిలీజ్ చేశారు మేకర్స్.
చిన్నతనం నుంచి క్రికెటర్ కావాలని ఆరాటపడిన మిథాలీ.. తన లక్ష్యం కోసం జీవితంలో ఎన్ని ఒడిదుడుకులను.. అవమానాలను ఎదుర్కొంది.. మహిళ క్రికెట్ జట్టుకు గుర్తింపు రావడం కోసం ఎంతలా శ్రమించింది.. అనే విషయాలను ట్రైలర్లో ప్రేక్షకుల కళ్లకు కట్టినట్లుగా చూపించారు మేకర్స్.. మెన్ ఇన్ బ్లూ మాదిరిగానే మనకు కూడా ఉమెన్ ఇన్ బ్లూ అనే టీమ్ ఉంటే బాగుంటుందని ఎనిమిదేళ్ల నుంచి కలలు కంటున్నాను.. అంటూ తాప్సీ చెప్పే డైలాగ్స్ ఆకట్టుకున్నాయి. అలాగే.. మిథాలీ పాత్రలో తాప్సీ జీవించేసింది.. మొత్తానికి మిథాలీ రాజ్ జీవితాన్ని వెండితెరపై ఎంత అద్భుతంగా చూపించబోతున్నారనే విషయాన్ని ట్రైలర్ చూస్తే అర్థమవుతుంది. ఇప్పటికే అన్ని కార్యక్రమాలు పూర్తిచేసుకున్న ఈ మూవీ జూలై 15న గ్రాండ్ గా రిలీజ్ కానుంది.
ట్రైలర్..
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.