Priyanka Chopra: కూతురి విడాకుల పై క్లారిటీ ఇచ్చిన ప్రియాంక చోప్రా తల్లి..

గ్లోబల్ బ్యూటీ ప్రియాంక చోప్రా తన భర్త నుంచి విడిపోతుందా.. ఇప్పుడు సినీ ఇండస్ట్రీలో హాట్ టాపిక్‌గా మారింది.

Updated on: Nov 23, 2021 | 2:40 PM

Priyanka Chopra: గ్లోబల్ బ్యూటీ ప్రియాంక చోప్రా తన భర్త నుంచి విడిపోతుందా.. ఇప్పుడు ఇదే వార్త సినీ ఇండస్ట్రీలో హాట్ టాపిక్‌గా మారింది. ప్రియాంక చోప్రా తనకన్నా దాదాపు 10 ఏళ్ళు చిన్నవాడైన అమెరికా పాప్ సింగర్ నిక్ జోనస్‌ను వివాహమాడిన విషయం తెలిసిందే. అప్పట్లో ప్రియాంక పెళ్లి కూడా పెద్ద చర్చకు దారి తీసింది. ఇక ఇప్పుడు ఈ ఇద్దరు విడిపోతున్నారంటూ వార్తలు జోరుగా షికారు చేస్తున్నాయి. దీనికి కారణం ప్రియాంక తన సోషల్ మీడియా ఖాతాలైన ఇన్‌స్టాగ్రామ్‌, ట్విటర్‌, ఫేస్‌బుక్‌ ప్రొఫైల్లో‌ తన పేరు మార్చింది. పెళ్లితర్వాత తన భర్త పేరు నిక్ పేరును తన పేరుతో జత చేసుకున్న పీసీ.. ఇప్పుడు ఈ పేరును తొలగించింది. దాంతో ప్రియాంక – నిక్ విడిపోతున్నారన్న ప్రచారం మరింత జోరందుకుంది. ఈ వార్తలపై ప్రియాంక తల్లి స్పందించింది.

తాజాగా ఆమె న్యూస్ ఛానెల్ కు ఇచ్చిన ఇంటర్వ్యూలో పీసీ – నిక్ విడాకుల పై క్లారిటీ ఇచ్చారు. ప్రియాంక చోప్రా తల్లి మధు చోప్రా మాట్లాడుతూ.. ప్రియాంక – నిక్ విడాకులు అంటూ వస్తున్న వార్తలను ఖండించారు. ప్రియాంక- నిక్ విడిపోవడంలేదు అని అవన్నీ పుకార్లు మాత్రమేనని ఆమె అన్నారు. ఇలాంటి అసత్య ప్రచారాలను అభిమానులు నమ్మ వద్దు అని ఆమె కోరారు. 2018లో పెద్దలను ఒప్పించి ఒక్కటైన ప్రియాంక- నిక్ తమ దాంపత్య జీవితాన్ని ఎంతో అన్యోన్యంగా గడుపుతున్నారు. వీరిద్దరి సంబంధించిన ఫోటోలు నిత్యం నెట్టింట వైరల్‌గా మారుతున్నాయి. ఇటీవల జరిగిన దీపావళి వేడుకల్లో ఈ జంట కలిసి చేసిన సందడి జరుపుకున్నారు. ఇక విడాకుల వార్తలపై ప్రియాంక ఎలా స్పందిస్తారో చూడాలి.

మరిన్ని ఇక్కడ చదవండి :