Pooja Hedge: ఆ స్టార్ హీరో సినిమా కోసం ఆసక్తిగా ఎదురుచూస్తున్నానంటున్న బుట్టబొమ్మ

Pooja Hedge: టాలీవుడ్ లో ఇప్పుడు టాప్ హీరోయిన్ ఎవరంటే టక్కున గుర్తొచ్చే పేరు పూజాహెగ్డే. ఒక లైలా కోసం సినిమాతో తెలుగు తెరకు పరిచయమైన ఈ ముద్దుగుమ్మ.. అందం అభినయంతో ప్రేక్షకులను కట్టిపడేసింది. ఆతర్వాత మెగా హీరో వరుణ్ తేజ్ నటించిన ముకుంద సినిమాలో అచ్చ తెలుగమ్మాయిలా కనిపించి కవ్వించింది పూజ. అలాగే స్టైలిష్ స్టార్ అల్లు అర్జున్ నటించిన డీజే సినిమాలో గ్లామర్ డోస్ పెంచి హీటు పుట్టించింది. మొదటి రెండు సినిమాల్లో పద్ధతిగా కనిపించిన పూజ డీజే లో ఏకంగా బికినీ లో మెరిసింది. ఇక ఆతర్వాత ఈ అమ్మడు తెలుగులో వరుసగా స్టార్ హీరోలతో సినిమాలు చేస్తూ టాప్ హీరోయిన్ గా రాణిస్తుంది.

ప్రస్తుతం డార్లింగ్ ;ప్రభాస్ నటిస్తున్న రాధేశ్యామ్ సినిమాలో హీరోయిన్ గా నటిస్తుంది. ఇప్పటికే షూటిగ్ పూర్తి చేసుకున్న ఈ సినిమా త్వరలోనే ప్రేక్షకుల ముందుకు రానుంది. రాధాకృష్ణ దర్శకత్వంలో పిరియాడికల్ లవ్ డ్రామాగా ఈ సినిమా తెరకెక్కుతుంది. అలాగే సూపర్ స్టార్ మహేష్ బాబు, త్రివిక్రమ్ కాంబినేషన్ లో రాబోతున్న సినిమాలోనూ పూజ హెగ్డే ఎంపిక అయ్యిందని వార్తలు వస్తున్నాయి. ఇప్పటికే మహేష్ తో మహర్షి సినిమా చేసింది పూజ.. అలాగే త్రివిక్రమ్ దర్శకత్వంలో అరవింద సమేత, అలవైకుంఠపురంలో సినిమాలు చేసింది పూజ హెగ్డే. అయితే పూజ  తెలుగు సినిమాలతో పాటు అటు బాలీవుడ్ సినిమాల్లో నటిస్తున్న విషయం తెలిసిందే. ఇప్పటికే అక్కడ పలు సినిమాల్లో నటించింది ఈ ముద్దుగుమ్మ. హిందీలో పూజ హెగ్డే సల్మాన్ ఖాన్ సరసన అవకాశం దక్కించుకుంది. కభీ ఈద్‌…  కభీ దీవాలి’ లో హీరోయిన్ గా పూజ ఎంపిక అయ్యింది. అక్కనీ కరోనా పరిస్థితుల కారణంగా ఈ సినిమా షూటింగ్ ఇంతవరకు ప్రారంభం కాలేదు. సల్మాన్‌ఖాన్‌తో కలిసి నటించడానికి నేను ఆసక్తిగా ఎదురుచూస్తున్నాను. సెట్స్‌లో ఆయనతో కలిసి నేను మాట్లాడాలనుకుంటున్న విషయాలు చాలా ఉన్నాయి అంటుంది పూజ.  అనుకున్నట్టు జరిగి ఉంటే ఈ ఏడాది ఈద్ కు సినిమా ప్రేక్షకుల ముందుకు వచ్చేది.

మరిన్ని ఇక్కడ చదవండి :

Sonu Sood : కేంద్రరాష్ట్ర ప్రభుత్వాలకు రియల్ హీరో సోనూసూద్ విజ్ఞప్తి… మద్దతు తెలిపిన గ్లోబల్ బ్యూటీ..