IT Rides on Sonu Sood: వరుసగా మూడోరోజూ సోనూసూద్ ఇళ్ళపై కొనసాగుతున్న ఐటీ రైడ్స్.. ఎప్పుడు ముగియవచ్చు అంటే..

IT Rides on Sonu Sood: నటుడు సోనూసూద్ ఇల్లు,  కార్యాలయంతో సహా ఆరు ప్రదేశాలలో ఆదాయపు పన్ను శాఖ దాడులు వరుసగా మూడో రోజు కొనసాగుతున్నాయి. ఈ రైడ్స్ లో సోనూ సూద్  వ్యక్తిగత ఫైనాన్స్‌కు సంబంధించిన కేసులో పన్ను అవకతవకల గురించి ఐటీ శాఖకు తెలిసిందని సంబంధిత వర్గాలు పేర్కొన్నాయి. సినిమాల  కోసం సోను తీసుకున్న డబ్బులో కూడా అక్రమాలు ఉన్నట్లు తెలిసిందని ఆ వర్గాలు చెబుతున్నాయి. ఇక ఈ లావాదేవీలే కాకుండా.. సోను ఛారిటీ ఫౌండేషన్ ఖాతాపై కూడా ఆదాయపు పన్ను శాఖ దర్యాప్తు చేస్తోంది.

ఈ దాడులు  ఈరోజుతో ముగియవచ్చని,ఆ తర్వాత విలేకరుల సమావేశం ద్వారా ఈ అంశానికి సంబంధించిన సమాచారాన్ని ఆదాయపు పన్ను అధికారులు అందరికీ తెలియచేసే అవకాశాలున్నాయనీ తెలుస్తోంది. ఐటీ బృందాలు సోను ఎకౌంట్ పుస్తకాలు, ఆదాయం, ఖర్చులు, ఆర్థిక రికార్డులను తనిఖీ చేస్తున్నాయి. గురువారం ఉదయం స్వల్ప విరామం తర్వాత, దర్యాప్తు బృందం  సోనూ సూద్ కు చెందిన  ముంబై, లక్నో ప్రదేశాలలో రికార్డులను నిరంతరం పరిశీలిస్తోంది.

సిబ్బందిని..కుటుంబాన్ని ప్రశ్నించారు

ఆదాయపు పన్ను శాఖ అధికారులు సోను కుటుంబాన్ని, అతని ఇంట్లో ఉన్న సిబ్బందిని కూడా విచారించారు . అధికారులు అతని ఇంటి నుండి కొన్ని ఫైళ్లను కూడా తీసుకువెళ్లారు.  సోనూ సూద్  కరోనా సమయంలో వేలాది మందికి సహాయం చేశాడు. అతను ‘సూద్ ఛారిటీ ఫౌండేషన్’ అనే ఎన్జీఓను కూడా నిర్వహిస్తున్నాడు. ఈ NGO హెల్త్‌కేర్, ఎడ్యుకేషన్, జాబ్స్, టెక్నాలజీ అడ్వాన్స్‌మెంట్‌పై పనిచేస్తుంది. ఐటీ అధికారులు ఇక్కడ కూడా పరిశోధించారు. సమాచారం ప్రకారం, ఆదాయపు పన్ను శాఖ ‘రియల్ ఎస్టేట్ డీల్‌ని పరిశీలిస్తోంది’.

కొన్ని రోజుల క్రితం, కేజ్రీవాల్ ప్రభుత్వం సోనును బ్రాండ్ అంబాసిడర్‌గా చేసింది.

ఆగస్టు 27 న ఢిల్లీ ప్రభుత్వం సోనూను పాఠశాల విద్యార్థులకు సంబంధించిన కార్యక్రమానికి బ్రాండ్ అంబాసిడర్‌గా చేసింది. ఈ సమయంలో ఆయన ఆమ్ ఆద్మీ పార్టీలో చేరడంపై ఊహాగానాలు కూడా వచ్చాయి. అయితే, ఢిల్లీ ముఖ్యమంత్రి అరవింద్ కేజ్రీవాల్‌తో తన రాజకీయాలపై ఎలాంటి చర్చ జరగలేదని సోను స్వయంగా చెప్పాడు. ఆప్ పార్టీతో సోనుకు ఉన్న అనుబంధం కారణంగా సోనూను ఆదాయపు పన్ను శాఖ  లక్ష్యంగా చేసుకున్నట్లు సోషల్ మీడియాలో చెప్పుకుంటున్నారు.

ఒక చిత్రం 2 మిలియన్లకు ఛార్జ్

caknowledge.com వెల్లడించిన  ఒక నివేదిక ప్రకారం సోనూ సెప్టెంబర్ 2021 నాటికి,   మొత్తం ఆస్తుల నికర విలువ  130 కోట్లు ($ 17 మిలియన్). సోను ప్రస్తుతం భార్య, పిల్లలతో ముంబైలో నివసిస్తున్నాడు. అతను హిందీ, తెలుగు, తమిళం, కన్నడ,  పంజాబీ చిత్రాల ద్వారా దేశవ్యాప్తంగా ప్రేక్షకులకు దగ్గరయ్యాడు.  బ్రాండ్ ఎండార్స్‌మెంట్‌లు సోనూ సూద్ ప్రధాన ఆదాయ వనరు.

సోనూ ప్రతి సినిమాకు దాదాపు 2 కోట్ల ఫీజులు వసూలు చేస్తారు. అతనికి శక్తి సాగర్ ప్రొడక్షన్స్ అనే సొంత నిర్మాణ సంస్థ ఉంది. దీనికి అతని తండ్రి పేరు పెట్టారు. సోను ఇప్పటి వరకు దాదాపు 70 సినిమాల్లో పనిచేశాడు. బ్రాండ్ ఎండార్స్‌మెంట్‌లు, సినిమాల నుండి, అతను ప్రతి నెలా ఒక కోటి రూపాయలు సంపాదిస్తాడు, అంటే సంవత్సరంలో మొత్తం 12 కోట్లు.

ఇల్లు..కార్ కలెక్షన్

సోను తన కుటుంబంతో 2600 చదరపు అడుగుల 4BHK అపార్ట్‌మెంట్‌లో లోఖండ్‌వాలా, అంధేరిలో నివసిస్తున్నారు. ఇది కాకుండా, అతనికి ముంబైలో మరో రెండు ఫ్లాట్లు ఉన్నాయి. ఆయన స్వగ్రామం మొగాలో ఒక బంగ్లా కూడా ఉంది. అతనికి జుహులో హోటల్ ఉంది. లాక్డౌన్ సమయంలో ఐసోలేషన్ సెంటర్ చేయడానికి అతను దానిని తెరిచాడు.

ఇది కాకుండా, సోను కారు సేకరణలో 66 లక్షల విలువైన మెర్సిడెస్ బెంజ్ ML క్లాస్ 350 CDI, 80 లక్షల విలువైన ఆడి Q7 మరియు 2 కోట్ల విలువైన పోర్స్చే పనామా కూడా ఉన్నాయి.

Also Read: Vaccination: వ్యాక్సిన్ వేసుకుంటే పీరియడ్స్‏లో మార్పులు వస్తాయా ? పరిశోధకుల షాకింగ్‌ కామెంట్స్‌..

Sputnik Light: అనుమతి లభించింది.. పరీక్షలే ఆలస్యం.. స్పుత్నిక్‌ లైట్ టెస్టులకు డీసీజీఐ అనుమతి..