Guess The Actor: సినిమా కోసం 30 కిలోలు తగ్గిపోయి అస్తిపంజరంలా మారిపోయిన స్టార్ నటుడు.. ఎవరో గుర్తుపట్టారా?

పై ఫొటోలో బక్కచిక్కిపోయి అస్థిపంజరంల కనిపిస్తున్నదెవరో గుర్తు పట్టారా? అతను ఓ స్టార్ నటుడు. ఇక్కడ నటుడు ఎందుకంటున్నామంటే హీరో కొన్ని పాత్రలు మాత్రమే చేయగలడు. నటుడు అన్ని రోల్స్ చేస్తాడు. పై ఫొటోలో ఉన్నది బాలీవుడ్ లో ఫేమస్ యాక్టర్. వైవిధ్యమైన సినిమాలు చేస్తూ వెర్సటైల్ నటుడిగా గుర్తింపు తెచ్చుకున్నాడు.

Guess The Actor

Basha Shek |
Updated on: Mar 19, 2024 | 8:15 AM

పై ఫొటోలో బక్కచిక్కిపోయి అస్థిపంజరంల కనిపిస్తున్నదెవరో గుర్తు పట్టారా? అతను ఓ స్టార్ నటుడు. ఇక్కడ నటుడు ఎందుకంటున్నామంటే హీరో కొన్ని పాత్రలు మాత్రమే చేయగలడు. నటుడు అన్ని రోల్స్ చేస్తాడు. పై ఫొటోలో ఉన్నది బాలీవుడ్ లో ఫేమస్ యాక్టర్. వైవిధ్యమైన సినిమాలు చేస్తూ వెర్సటైల్ నటుడిగా గుర్తింపు తెచ్చుకున్నాడు. సినిమా కోసం ప్రాణం పెట్టి నటించే అతను అందుకోసం ఏమైనా చేస్తాను. తనను ఎలాగైనా మార్చుకుంటాడు. ఇప్పుడు కూడా తన తర్వాతి సినిమా కోసం ఏకంగా 30 కిలోల బరువు తగ్గిపోయాడు. అస్థిపంజరంలా మారిపోయి అందరినీ ఆశ్చర్యపరిచాడు. ఇంతకీ అతను మరెవరో కాదు బాలీవుడ్ ఫేమస్ యాక్టర్ రణ్ దీప్ హుడా. స్వాతంత్ర్య సమర యోధుడు వీర సావర్కర్ జీవితం ఆధారంగా తెరకెక్కుతోన్న ‘స్వాతంత్ర్య వీర్ సావర్కర్’ సినిమాలో టైటిల్ రోల్ పోషిస్తున్నాడు రణ్ దీప్‌. అంతేకాదు దర్శకత్వ బాధ్యతలను కూడా భుజాన వేసుకున్నాడు. భారత స్వాతంత్ర్య ఉద్యమంలో కీలక పాత్ర పోషించిన వినాయక్ దామోదర్ సావర్కర్ జీవితం ఆధారంగా తెరకెక్కిన సినిమా ఇది . అందుకే ప్రేక్షకుల్లో భారీ అంచనాలు ఉన్నాయి. రణదీప్ హుడా ఈ సినిమాలో సావర్కర్ పాత్రను పోషించాడు . ఆ పాత్రకు ఉన్న గౌరవం, నిబద్ధత కోసం రణదీప్ హుడా ఇలా మారిపోయాడు. ప్రస్తుతం అతని లుక్ ను చూసి అభిమానులు ఆశ్చర్యపోతున్నారు.

‘స్వాతంత్ర్య వీర్ సావర్కర్’ సినిమా మార్చి 22న విడుదల కానుంది. టీమ్ మొత్తం ప్రచారంలో బిజీగా ఉంది. సినిమా విడుదలకు మరికొద్ది రోజులు మిగిలి ఉండగానే రణదీప్ హుడా ఓ ఫోటోను షేర్ చేశాడు. ఇందులో అతనిని గుర్తించడం కష్టం. ప్రస్తుతం ఈ ఫోటో సోషల్ మీడియాలో వైరల్‌గా మారింది. కండలు తిరిగిన దేహంతో ఉండే రణదీప్ హుడా సావర్కర్ పాత్ర కోసం కాస్త స్లిమ్ అయ్యాడు. అతను దాదాపు 30 కిలోల శరీర బరువు తగ్గాడు. థొరాక్స్ ఎముకలు కనిపించే విధంగా పోజులిచ్చాడు. అతని కమిట్‌మెంట్‌పై అభిమానులు ప్రశంసలు కురిపిస్తున్నారు. మీరు ఏ హాలీవుడ్ హీరోకు తక్కువ కాదంటూ కొనియాడుతున్నారు. వైరల్‌గా మారిన ఈ ఫోటోపై నెటిజన్లు కామెంట్స్ చేస్తూ ప్రశంసలు కురిపిస్తున్నారు. ఈ సినిమాలో రణదీప్ హుడాతో పాటు నటి అంకితా లోఖండే కూడా కీలక పాత్రలో నటించింది. ఈ సినిమా హిందీలోనే కాకుండా మరాఠీలో కూడా మార్చి 22న విడుదల కానుంది. మహాత్మా గాంధీ, బాల గంగాధర తిలక్, డా. బి.ఆర్. అంబేద్కర్, సుభాష్ చంద్రబోస్, జవహర్ లాల్ నెహ్రూ, మదన్ లాల్ ధింగ్రా, భగత్ సింగ్ వంటి అనేకమంది స్వాతంత్ర్య సమరయోధుల పాత్రలు ‘స్వాతంత్ర్య వీర్ సావర్కర్’ సినిమాలో కనిపించనున్నాయి.

ఇవి కూడా చదవండి