Gangubai Kathiawadi : ఒక్క టీజర్ తో సినిమాపై అంచనాలను ఆకాశానికి చేర్చారు..

Gangubai Kathiawadi : బాలీవుడ్ బ్యూటీ అలియా భట్ ప్రధానపాత్రలో తెరకెక్కుతున్న సినిమా  “గంగూబాయి కతియావాడి”. బాలీవుడ్ స్టార్ డైరెక్ట‌ర్ సంజయ్‌ లీలా భన్సాలీ దర్శకత్వంలో ప్రముఖ జర్నలిస్ట్ హుస్సేన్‌ జైదీ రచించిన “మాఫియా క్వీన్స్ అఫ్ ముంబై” అనే పుస్తకం ఆధారంగా ఈ చిత్రం తెరకెక్కింది. సంజయ్‌ లీలా భన్సాలీ, డా. జ‌యంతిలాల్‌గ‌డ సంయుక్తంగా నిర్మిస్తోన్న ఈ చిత్రంలో ‌బాలీవుడ్ స్టార్స్ అజయ్ దేవ్‌గన్, ఇమ్రాన్ హష్మి గెస్ట్ రోల్‌లో కనిపించనున్నారు. ఈ చిత్రంలో గంగూబాయిగా అలియా భట్‌ వేశ్య గృహం నడిపే యజమానిగా నటిస్తోంది. ఇప్పటికే పాత్రకు సంబంధించిన పోస్టర్‌ విడుదలై ఆకట్టుకుంటోంది.

ఇటీవల ‘గంగూబాయి కతియావాడి’ టీజర్ ను విడుదల చేశారు చిత్రయూనిట్. ఇప్పుడు ఈ టీజర్ యూట్యూబ్ ను షేక్ చేస్తుంది. 35 మిలియన్ వ్యూస్ తో దూసుకుపోతుంది ఈ టీజర్. ఈ టీజర్ లో  యంగ్ బ్యూటీ అలియా భట్ మరోసారి తన నటనతో ఆకట్టుకుంది. ఓ వేశ్య అందరినీ శాసించే నాయకురాలిగా ఎలా ఎదిగింది ? అనేదే సినిమా ప్రధానాంశంగా ఈ సినిమాలో చూపించనున్నారు. ఒక్క టీజర్తోనే సినిమాపై అంచనాలను అమాంతం పెంచేశారు దర్శకుడు సంజయ్ లీలా బన్సాలి. ఇటీవలే ఈ సినిమా తెలుగు టీజర్ ను కూడా రిలీజ్ చేశారు. ఈ సినిమాను  జూలై 30న ప్రపంచవ్యాప్తంగా `గంగూబాయి క‌తియ‌వాడి` చిత్రం విడుదలవుతుంది. ఈ సినిమా తప్పకుండా విజయం సాధిస్తుందన్న నమ్మకంతో ఉన్నారు చిత్రయూనిట్. ఇక ఈ సినిమాతోపాటు అలియా ఆర్ఆర్ఆర్ సినిమాతో తెలుగు ప్రేక్షకులకు పరిచయం కాబోతుంది. దర్శక ధీరుడు రాజమౌళి తెరకెక్కిస్తున్న ‘ఆర్ఆర్ఆర్’ సినిమాలో అలియా సీత పాత్రలో రామ్ చరణ్ కు జోడీగా నటిస్తుంది. ఇక చరణ్ ఈ సినిమాలో అల్లూరి సీతారామరాజుగా నటిస్తున్న విషయం తెలిసిందే.

మరిన్ని ఇక్కడ చదవండి : 

Kavita Kaushik: బిగ్ బాస్ వల్ల నా కెరియర్ నాశనం అయ్యింది.. సంచలన కామెంట్స్ చేసిన నటి

Trivikram Srinivas: కరోనాను జయంచిన మాటల మాంత్రికుడు.. త్రివిక్రమ్ కు నెగిటివ్ గా నిర్ధారణ

పవర్ స్టార్ పైన ప్రశంసలు కురిపించిన సూపర్ స్టార్.. పవన్ టాప్ ఫామ్ లో ఉన్నారన్న మహేష్