Aamir Khan: నాలో ఏం లోటుంది.? అని నేను ఆమెను అడిగాను.. అమీర్ ఖాన్ ఆసక్తికర కామెంట్స్

బాలీవుడ్ స్టార్ హీరో అమీర్ ఖాన్ సినిమా విషయాలతో పాటు వ్యక్తిగత విషయాలు కూడా ఫిలిం సర్కిల్స్ లో చక్కర్లు కొడుతుంటాయి. మొన్నామధ్య అమీర్ ఖాన్ తన భార్య కిరణ్ రావు విడిపోయిన విషయం తెలిసిందే. అయితే ఈ ఇద్దరూ ఎందుకు విడిపోయారో ఎవ్వరికీ క్లారిటీ లేదు. విడాకులు తీసుకున్న తర్వాత కూడా అమీర్ ఖాన్, కిరణ్ రావ్ సన్నిహితంగా ఉండటం అందరికి ఆశ్చర్యాన్ని కలిగిస్తుంది. ఈ ఇద్దరూ కలిసి ఇప్పుడు ‘లపాట ​​లేడీస్’ సినిమాను ప్రమోట్ చేస్తున్నారు. ఈ సినిమాకి కిరణ్ రావు దర్శకత్వం వహించారు. అలాగే అమీర్ ఖాన్ నిర్మించారు. ఈ సినిమా మార్చి 1న విడుదల కానుంది. ఇదిలా ఉంటే అమీర్ ఖాన్ ఓ ఆశ్చర్యకరమైన విషయం చెప్పాడు. విడాకుల తర్వాత కిరణ్‌రావు నుంచి ఫీడ్‌బ్యాక్ అడిగారు. భర్తగా నాలో లేని లోటు ఏంటని అమీర్ ఖాన్ తన మాజీ భార్యను అడిగాడు.

వారిద్దరూ 2005లో పెళ్లి చేసుకున్నారు. వారు 2021లో విడాకులు తీసుకున్నారు. ఈ దంపతులకు ఆజాద్ అనే కుమారుడు ఉన్నాడు. ఇద్దరూ అతని బాధ్యత తీసుకున్నారు. ఇటీవల ఓ కార్యక్రమంలో అమీర్ ఖాన్, కిరణ్ రావు కలిసి పాల్గొన్నారు. ఈ కార్యక్రమంలో తన విడాకుల గురించి కూడా మాట్లాడారు. అమీర్ మాట్లాడుతూ.. ‘ఒక తమాషా విషయం ఏంటంటే.. ఒకరోజు సాయంత్రం ఇద్దరం కలిసి కూర్చున్నప్పుడు నేను కిరణ్‌ని ఒక ప్రశ్న అడిగాను. భర్తగా నాలో ఏం లోటుగా చూస్తున్నావు? జీవితంలో ముందుకు ఎలా సాగాలి.? ఎలా నన్ను నేను మెరుగుపరుచుకోవాలి.? అని అమీర్ ఖాన్ కిరణ్ రావు ను అడిగాడట. దానికి కిరణ్ రావు వెంటనే సమాధానమిచ్చారు. ‘సరే.. రాసుకో’ అంటూ కిరణ్ లిస్ట్ ఇచ్చాడు. మీరు చాలా మాట్లాడతారు. మీరు ఎవరినీ మాట్లాడనివ్వరు. మీరు చెప్పిందే కరెక్ట్ అనుకుంటారు.. ఎవ్వరు చెప్పినా వినరు.. ఇలా 15-20 విషయాలతో కూడిన లిస్ట్ ఇచ్చింది’ అని అమీర్ ఖాన్ తన మాజీ భార్య ఫీడ్ బ్యాక్ గురించి చెప్పాడు.

విడాకుల తర్వాత అమీర్ ఖాన్ ఒంటరిగా ఉంటున్నాడు. ఇప్పుడు ఆయన ఎవరిని పెళ్లి చేసుకుంటాడా అని అందరూ ఆసక్తిగా ఎదురుచూస్తున్నారు. ఇక ఈ సినిమా విషయానికి వస్తే.. ‘లాల్ సింగ్ చద్దా’ సినిమా పరాజయం తర్వాత అమీర్ ఖాన్ కాస్త విరామం తీసుకున్నాడు. ఇప్పుడు ‘సితారే జమీన్ పర్’ పనుల్లో  బిజీగా ఉన్నాడు.అలాగే ‘లపాట లేడీస్’ సినిమా ప్రమోషన్‌లో బిజీగా ఉన్నాడు.

మరిన్ని సినిమా వార్తల కోసం ఇక్కడ క్లిక్ చేయండి.