ఒక సినిమా విజయం సాధిస్తే చాలా మంది జీవితాలు మారిపోతాయి. అదే సినిమా పరాజయం పాలైతే చాలా మంది జీవితాలు దెబ్బతింటాయి. దానికి బెస్ట్ ఎగ్జాంపుల్ బాలీవుడ్ మూవీ ‘బడే మియా చోటే మియా’. ఈ ఏడాది ఏప్రిల్లో విడుదలైన ఈ సినిమా బాక్సాఫీస్ వద్ద ఆశించిన స్థాయిలో వసూళ్లు రాబట్టలేకపోయింది. దీంతో నిర్మాతలకు భారీ నష్టం వాటిల్లింది. ఈకారణంగానే దర్శకుడు అలీ అబ్బాస్ జాఫర్ కు రెమ్యునరేషన్ అందలేట. దీంతో ఇప్పుడు తనకు న్యాయం జరగాలని పట్టుబడుతున్నాడట ఈ బాలీవుడ్ డైరెక్టర్. నివేదికల ప్రకారం, బడే మియా చోటే మియా దర్శకుడు అలీ అబ్బాస్ జాఫర్ తన బాధను వ్యక్తం చేస్తూ డైరెక్టర్ల యూనియన్కు లేఖ రాశారు. ఒప్పందం ప్రకారం ఈ చిత్రానికి దర్శకత్వం వహించినందుకు అలీ అబ్బాస్ జాఫర్కు రూ.7.3 కోట్లు చెల్లించాల్సి ఉంది. కానీ నిర్మాతలు తనకు ఆ డబ్బు ఇవ్వలేదని అలీ అబ్బాస్ జాఫర్ ఆరోపించారు. బడే మియా చోటే మియా చిత్రంలో అక్షయ్ కుమార్, టైగర్ ష్రాఫ్, పృథ్వీరాజ్ సుకుమారన్, మానుషి చిల్లార్, సోనాక్షి సిన్హా నటించారు. భారీ బడ్జెట్తో ఈ సినిమా తెరకెక్కింది. ఈ సినిమాకు దాదాపు 350 కోట్లు ఖర్చుపెట్టినట్లు అంచనా. కానీ బాక్సాఫీస్ వద్ద ఈ మూవీ కేవలం 102 కోట్ల రూపాయలు మాత్రమే రాబట్టింది.
‘పూజా ఎంటర్టైన్మెంట్’ పతాకంపై జాకీ భగ్నానీ, వాషు భగ్నానీ నిర్మించిన చిత్రం ‘బడే మియా చోటే మియా’. ఈ సినిమాతో నిర్మాతలకు భారీ నష్టమే వాటిల్లిందని సమాచారం. ఈ కారణంగానే తమ సంస్థలో పనిచేసిన చాలా మందికి జీతాలు కూడా చెల్లించలేకపోతున్నారని సమాచారం. అంతే కాకుండా ముంబైలోని తమ ఆస్తులను కూడా అమ్మాల్సి వచ్చింది. ఇప్పుడు దర్శకుడు అలీ అబ్బాస్ జాఫర్కి పారితోషికం ఇవ్వ లేదని తేలింది.
Energy- MAST🔥
Beats- MALANG🔊
Groove- JHOOM🕺🕺It’s time to dance to the beats of Mast Malang Jhoom!#MastMalangJhoom Song out now: https://t.co/8cOFwN9Fri#BadeMiyanChoteMiyan #BadeMiyanChoteMiyanOnEid2024@akshaykumar @iTIGERSHROFF @PrithviOfficial @vashubhagnani… pic.twitter.com/CXyCUj5tCt
— ali abbas zafar (@aliabbaszafar) February 28, 2024
10 April #BadeMiyanChoteMiyan pic.twitter.com/rnmMmlXR1Q
— ali abbas zafar (@aliabbaszafar) March 23, 2024
మరిన్ని సినిమా వార్తల కోసం ఇక్కడ క్లిక్ చేయండి.