Laal Singh Chaddha: అమీర్ ఖాన్ లాల్ సింగ్ చద్దా నుంచి స్పెషల్ అప్డేట్.. నాగచైతన్య మూవీ రిలీజ్ ఎప్పుడంటే..

బాలీవుడ్ మిస్టర్ పర్‏ఫెక్ట్ ఆమిర్ ఖాన్ నటిస్తున్న లెటేస్ట్ చిత్రం లాల్ సింగ్ చద్దా. ప్రస్తుతం షూటింగ్ కంప్లీట్ చేసుకున్న ఈ సినిమా పోస్ట్ ప్రొడక్షన్ పనులు జరుపుకుంటుంది. ఇందులో అక్కినేని నాగచైతన్య కీలక పాత్రలో నటిస్తున్న సంగతి తెలిసిందే. తాజాగా ఈ మూవీ నుంచి స్పెషల్ అప్డేట్ ఇచ్చారు మేకర్స్. అమీర్ ఖాన్, చైతూ కలిసి నటించిన లాలా సింగ్ చద్దా సినిమాను వచ్చే ఏడాది ఏప్రిల్ 14న ప్రేక్షకుల ముందుకు తీసుకురాబోతున్నట్లుగా ప్రకటించారు మేకర్స్. ఈ మేరకు.. లాల్ సింగ్ చద్దా నుంచి ఇంట్రెస్టింగ్ పోస్టర్ రిలీజ్ చేశారు. ఈ సినిమా 1994లో హాలీవుడ్ స్టార్ టామ్ హాంక్స్ నటించిన బ్లాక్ బస్టర్ హిట్ ఫారెస్ట్ గంప్ చిత్రానికి రీమేక్. ఈ సినిమాకు అద్వైత్ చందన్ దర్శకత్వం వహించారు. ఇందులో ఆమీర్ ఖాన్ సరసన నటిస్తుంది.

We are happy to share our new poster and our new release date 🙂 #LaalSinghOnBaisakhi#AamirKhan #KareenaKapoorKhan #AdvaitChandan @atul_kulkarni @ipritamofficial @OfficialAMITABH #KiranRao @Viacom18Studios @chay_akkineni #MonaSingh #ManavVij #SatyajitPande #HemantiSarkar pic.twitter.com/VOz3RBjHZz

— Aamir Khan Productions (@AKPPL_Official) November 20, 2021

అయితే ఇప్పటికే షూటింగ్ పూర్తిచేసుకున్న ఈ మూవీ కరోనా కారణంగా పలుమార్లు వాయిదా పడింది. ముందుగా ఈ సినిమా క్రిస్మస్ కానుకగా వచ్చే నెలలో విడుదల కావాల్సి ఉంది. కానీ.. కోవిడ్ వలన షూటింగ్ ఆలస్యం కావడంతో సినిమా విడుదల తేదీలో మార్పులు చేయావల్సి వచ్చిందని వెల్లడించింది చిత్రయూనిట్. ఇదిలా ఉంటే.. ఈ సినిమా విడుదల తేదీనే కన్నడ స్టార్ హీరో యష్ నటించిన కేజీఎఫ్ 2 రిలీజ్ కానుంది. స్టార్ డైరెక్టర్ ప్రశాంత్ నీల్ అత్యంత ప్రతిష్టాత్మకంగా తెరకెక్కించిన కేజీఎఫ్ 2 పాన్ ఇండియా లెవల్లో విడుదల చేయనున్నారు. ఈ సినిమా అంచనాలు భారీగానే ఉన్నాయి. ఇప్పటికే విడుదలైన పోస్టర్స్, వీడియోస్‏‏కు అదిరిపోయే రెస్పాన్స్ వచ్చింది. కేజీఎఫ్ 2 సినిమా కోసం ప్రేక్షకులు ఆత్రుతగా ఎదురుచూస్తున్నారు. మరి ఓకే రోజు థియేటర్లలో ఢికొట్టబోతున్న ఈ ఇద్దరు స్టార్ హీరోలలో ఎవరు బ్లాక్ బస్టర్ క్రియేట్ చేయబోతున్నారో చూడాల్సిందే.

Also Read: Naga Babu: చంద్రబాబు కంటతడి పెట్టడంపై స్పందించిన మెగా బ్రదర్‌.. అసెంబ్లీ పరిణామాలపై సీరియస్ కామెంట్స్..

Andhra Pradesh Politics: ఏపీ అసెంబ్లీ పరిణామాలపై నారా ఫ్యామిలీ ఫైర్.. సంచలన కామెంట్స్ చేసిన రోహిత్..