నాగార్జున సరసన నటించనున్న బాలీవుడ్ యంగ్ బ్యూటీ.. త్వరలోనే సెట్స్ పైకి వెళ్ళనున్న నాగ్ సినిమా..

కింగ్ నాగార్జున నటించిన ‘సోగ్గాడే చిన్నినాయన’ సినిమా మంచి విజయాన్ని సొంతం చేసుకున్న విషయం తెలిసిందే. ఈ మూవీలో ‘బంగార్రాజు’ గా నాగ్ అందరిని ఆకట్టుకున్నారు.

Updated on: Feb 12, 2021 | 12:46 PM

కింగ్ నాగార్జున నటించిన ‘సోగ్గాడే చిన్నినాయన’ సినిమా మంచి విజయాన్ని సొంతం చేసుకున్న విషయం తెలిసిందే. ఈ మూవీలో ‘బంగార్రాజు’ గా నాగ్ అందరిని ఆకట్టుకున్నారు. ఇక ఇదే పాత్ర ఆదారంగా మరో సినిమాను తెరకెక్కించాలని దర్శకుడు కళ్యాణ్, నాగార్జున భావించారు. ఈ సినిమాకు ‘బంగార్రాజు’ అనే టైటిల్ ను కూడా ఫిక్స్ చేశారు. కానీ అనేక కారణాలవల్ల ఈ సినిమా సెట్స్ పైకి వెళ్ళలేదు. ఇదిగో స్టార్ట్ అవుతుంది అదిగో మొదలవుతుంది అంటూ ఆ మధ్య వార్తలు వినిపించాయి. అయితే ఇటీవల నాగార్జున పూర్తి చేసిన ‘వైల్డ్ డాగ్’ సినిమా నుంచి కూడా ఎలాంటి అప్ డేట్ లేదు. తాజాగా నాగార్జున సినిమాకు సంబంధించిన క్రేజీ అప్‏డేట్ ఫిల్మ్ నగర్లో చక్కర్లు కొడుతుంది.

ఇదిలా ఉండగా.. గరుడ వేగతో హీరో రాజశేఖర్‏కు సూపర్ హిట్ ఇచ్చిన ప్రవీణ్ సత్తారు.. నాగార్జున కోసం ఓ స్టోరీ రెడీ చేసినట్లుగా సమాచారం. ఈ యాక్షన్ థ్రిల్లర్ కథను నాగార్జున వివరించగా.. నాగ్ గ్రీన్ సిగ్నల్ ఇచ్చాడట. తర్వలోనే ఈ మూవీ సెట్స్ పైకి వెళ్ళనున్నట్లుగా సమాచారం. తాజా సమాచారం ప్రకారం ఈ సినిమాలో అనిఖా సురేంద్రన్ అనే కొత్త బ్యూటీ నాగార్జున సరసన నటించనున్నట్లుగా తెలుస్తోంది. అలాగే కీలక పాత్రలో బాలీవుడ్ నటి గుల్ పనాగ్ నటించబోతున్నారని సమాచారం. ఇదే గనుక నిజమైతే గుల్ పనాగ్‏కు ఈ సినిమా తొలి సినిమా కానుంది. ఈ చిత్రాన్ని శరత్ మరార్‏తో కలిసి ఏషియన్ ఫిల్మ్స్ నిర్మిస్తోంది.