కరోనా నుంచి కోలుకున్న బండ్ల గణేష్

ప్రముఖ నిర్మాత, నటుడు బండ్ల గణేష్ కరోనా నుంచి కోలుకున్నారు. ఈ విషయాన్ని సోషల్‌ మీడియాలో వెల్లడించిన బండ్ల.. భగవంతునికి ధన్యవాదాలు అని తెలిపారు.

TV9 Telugu Digital Desk | Edited By: |
Updated on: Jun 30, 2020 | 6:44 PM

ప్రముఖ నిర్మాత, నటుడు బండ్ల గణేష్ కరోనా నుంచి కోలుకున్నారు. ఈ విషయాన్ని సోషల్‌ మీడియాలో వెల్లడించిన బండ్ల.. భగవంతునికి ధన్యవాదాలు అని తెలిపారు. ఈ మేరకు ఓ ప్రైవేట్‌ డయోగ్నోస్టిక్స్‌లో ‌చేయించుకున్న కరోనా నిర్దారణ పరీక్షలకు సంబంధించిన సర్టిఫికేట్‌ను కూడా ఆయన అభిమానులతో షేర్ చేసుకున్నారు. కాగా ఇటీవల ఓ సెలూన్‌కి వెళ్లిన బండ్ల గణేష్‌కి అక్కడ జరిపిన పరీక్షల్లో కరోనా పాజిటివ్‌గా తేలింది. దీంతో ఇంట్లోనే ఉండి ఆయన చికిత్సను తీసుకున్నారు. మరోవైపు బండ్లకు పాజిటివ్ వచ్చినట్లు తేలడంతో.. ఆయనను కలిసిన వారిలో కూడా ఆందోళన మొదలైంది. ఈ క్రమంలో చాలా మంది పరీక్షలు కూడా చేయించుకున్నట్లు ఆ మధ్యన వార్తలు వచ్చాయి. ఇక తాజాగా బండ్ల కోలుకోవడంతో ఆయన సన్నిహితులతో పాటు అభిమానులు ఊపిరి పీల్చుకున్నారు.