Cinema : థియేటర్లలో అట్టర్ ప్లాప్.. కానీ ఈ సినిమాకు ప్రపంచమే ఫిదా అయ్యింది.. ఇప్పటికీ ట్రెండింగ్..
టాలీవుడ్ హీరోయిన్ ఐశ్వర్య రాజేష్ ..తమిళంలో స్టార్ డమ్ సంపాదించుకున్న సంగతి తెలిసిందే. నిజానికి తెలుగమ్మాయి అయినప్పటికీ కోలీవుడ్ ఇండస్ట్రీలో రాణిస్తుంది. గ్లామర్ రోల్స్ కాకుండా నటనకు ప్రాధాన్యత ఉన్న చిత్రాలను ఎంచుకుంటూ తనదైన ముద్ర వేసింది. ప్రస్తుతం ఆమె నటించిన ఓ సినిమా ఇప్పుడు తెరపై చర్చకు వచ్చింది.
నటుడు విధార్థ్ తన కెరీర్లో ఎన్నో విలక్షణమైన పాత్రలు పోషించి నటుడిగా మంచి గుర్తింపు తెచ్చుకున్నారు. ఆయన నటించిన చిత్రాలలో ‘కుట్రమే దండనై’ (Kuttrame Thandanai) ఒక మైలురాయిగా నిలిచింది. ఇటీవల ఒక ఇంటర్వ్యూలో విధార్థ్ మాట్లాడుతూ, “నా జీవితంలోనే అత్యుత్తమ చిత్రం ‘కుట్రమే దండనై'” అని అన్నారు. ఈ చిత్రం తన కెరీర్ను మలుపు తిప్పిందని, ఒక నటుడిగా తనకు ఎంతో సంతృప్తిని ఇచ్చిందని ఆయన పేర్కొన్నారు. 2016లో విడుదలైన ‘కుట్రమే దండనై’ చిత్రానికి జాతీయ అవార్డు గ్రహీత ఎమ్. మణికందన్ దర్శకత్వం వహించారు. ఈ క్రైమ్ థ్రిల్లర్ చిత్రంలో విధార్థ్ ‘రవి’ అనే పాత్రలో అద్భుతంగా నటించారు. కథ ప్రకారం రవి ‘టన్నెల్ విజన్’ అనే అరుదైన కంటి సమస్యతో బాధపడుతుంటాడు. దీనివల్ల అతనికి కేవలం 30 శాతం చూపు మాత్రమే ఉంటుంది.
ఎక్కువ మంది చదివినవి : Tollywood : అరుంధతి మూవీలో సోనుసూద్ క్యారెక్టర్ నేను చెయ్యాలి.. కానీ ఎలా మిస్సైందంటే..
క్రమంగా పూర్తిగా చూపు కోల్పోయే ప్రమాదం ఉండటంతో, కంటి శస్త్రచికిత్స కోసం అతనికి భారీగా డబ్బు అవసరమవుతుంది. ఆ సమయంలో తన పక్కింట్లో జరిగే ఒక యువతి హత్యకు అతను ఏకైక సాక్షిగా మారతాడు. ఆ హత్య కేసులోని నిందితులు తమను కాపాడమంటూ రవికి పెద్ద మొత్తంలో డబ్బు ఆఫర్ చేస్తారు. డబ్బు అవసరం కోసం రవి ఆ పరిస్థితులలో ఎలా చిక్కుకున్నాడు, చివరకు ఏం జరిగింది అనేదే ఈ సినిమా కథాంశం. విధార్థ్ ఈ పాత్రలో జీవించారని చెప్పవచ్చు. చూపు లేని వ్యక్తిగా ఆయన పండించిన హావభావాలు, భావోద్వేగాలు ప్రేక్షకులను ఎంతగానో ఆకట్టుకున్నాయి. కమర్షియల్ హంగులకు దూరంగా, చాలా సహజంగా సాగే ఈ చిత్రం విమర్శకుల ప్రశంసలు అందుకోవడమే కాకుండా పలు అంతర్జాతీయ చలనచిత్రోత్సవాల్లో కూడా ప్రదర్శించబడింది.
ఎక్కువ మంది చదివినవి : Tollywood : పవన్ కళ్యాణ్, మహేష్ బాబులతో సినిమాలు… కట్ చేస్తే.. 51 ఏళ్ల వయసులో ప్రియుడిని పరిచయం చేసిన హీరోయిన్..
ఈ చిత్రంలో ఐశ్వర్య రాజేష్, పూజా దేవరియా, రెహమాన్, నాజర్ కీలక పాత్రలు పోషించారు. మేస్ట్రో ఇళయరాజా అందించిన బ్యాక్గ్రౌండ్ స్కోర్ ఈ సినిమాకు ప్రాణంగా నిలిచింది. విధార్థ్ ఈ సినిమా గురించి మాట్లాడుతుండటం సామాజిక మాధ్యమాలలో వైరల్ అవుతోంది. కథాబలం ఉన్న సినిమాలను ఆదరించే ప్రేక్షకులకు ‘కుట్రమే దండనై’ ఎప్పటికీ ఒక ప్రత్యేకమైన చిత్రంగా గుర్తుండిపోతుంది. నటుడిగా తనలోని ప్రతిభను పూర్తి స్థాయిలో బయటకు తీసిన సినిమా కాబట్టే, విధార్థ్ దీనిని తన జీవితంలోనే బెస్ట్ మూవీగా తెలిపారు.
ఎక్కువ మంది చదివినవి : ఇప్పుడున్న హీరోలలో అతడు ది బెస్ట్.. అతడి యాక్టింగ్ అంటే చాలా చాలా ఇష్టం.. కృష్ణ మనసులోని మాట..
ఎక్కువ మంది చదివినవి : Tollywood : నవ్వుల రారాజును వెంటాడిన మృత్యువు.. రెండుసార్లు గెలిచినా.. వదలని మరణం..