Amala Paul: జీవితాన్ని తప్పుగా అర్థం చేసుకున్నాను.. ఇప్పుడు వాటిని వేరు చేసి వెళుతున్నా. అమలా ఆసక్తికర వ్యాఖ్యలు.
Amala Paul: 2009లో తమిళ చిత్రం 'నీలతమర' సినిమాతో వెండి తెరకు పరిచయమయ్యారు నటి అమలాపాల్‌. ఈ సినిమాలో డీగ్లామర్‌ పాత్రలో కనిపించి తొలి సినిమాతోనే...
TV9 Telugu Digital Desk | Edited By: Narender Vaitla
Updated on: Jul 16, 2021 | 1:52 PM
Amala Paul: 2009లో మలయాళం చిత్రం ‘నీల తామర’ సినిమాతో వెండి తెరకు పరిచయమయ్యారు నటి అమలాపాల్‌. ఈ సినిమాలో బీనా అనే స్టూడెంట్ పాత్రలో కనిపించి తొలి సినిమాతోనే నటిగా మంచి మార్కులు కొట్టేశారు. ఇక వరుస సినిమాలతో బిజీగా మారిన ఈ చిన్నది నాగ చైతన్య హీరోగా నటించిన ‘బెజవాడ’ చిత్రంతో తెలుగు ప్రేక్షకులకు కూడా దగ్గరయ్యారు. సినిమాలతోనే కాకుండా వ్యక్తిగత జీవితం విషయంలోనూ అమలా నిత్యం వార్తల్లో ఉంటారు. గతంలో దర్శకుడు ఏ.ఎల్‌ విజయ్‌ను వివాహం చేసుకున్న అమలాపాల్‌ అనంతరం కొన్ని కారణాల వల్ల అతని నుంచి విడిపోయారు. ఇక ఇటీవల అమలా మరో వివాహం చేసుకుందని, వాటికి సంబంధించిన ఫొటోలు నెట్టింట వైరల్‌గా మారాయి. అయితే దీనిపై అమాలా స్పందించలేరు. ఇక తాజాగా కెరీర్ దృష్టి పెట్టిన ఈ భామ వరుస సినిమాలు, వెబ్ సిరీస్‌లకు ఓకే చెబుతూ దూసుకెళుతున్నారు. ‘ఆహా’ ఓటీటీ వేదికగా విడుదలైన ‘కుడి ఎడమైతే’తో ఇటీవల డిజిటల్‌ ప్రేక్షకులను ఆకట్టుకున్నారు అమలా. ఇదిలా ఉంటే తాజాగా ఇచ్చిన ఓ ఇంటర్వ్యూలో అమలాపాల్‌ పలు ఆసక్తికర వ్యాఖ్యలు చేశారు.
17 ఏళ్ల ప్రాయంలో సినిమా ఇండస్ట్రీలోకి అడుగుపెట్టానని చెప్పిన అమలా.. రీల్‌ లైఫ్‌లో ఎదుర్కొన్న చాలా విషయాలను రియల్‌ లైఫ్‌లోనూ అనుభవించానని చెప్పుకొచ్చారు. ‘వాటిని ఎలా వేరు చేయాలో ఆ సమయంలో తెలియలేదు. ఇక 2020లో నాన్న చనిపోయారు.. ఆ సమయంలో ఎన్నో కష్టాలు ఎదురయ్యాయి. ఆ సమయంలోనే నా కష్టాలను ఓసారి గుర్తుచేసుకున్నాను. నాకంటూ ప్రత్యేకమైన జీవితం ఏది లేదని గ్రహించాను. కష్టాలు వచ్చిన సమయంలో నా జీవితాన్ని తప్పుగా అర్థం చేసుకున్నాను. కానీ ఇప్పుడు నా ఆలోచనల్లో స్పష్టమైన మార్పులు వచ్చాయి. ఇప్పుడు నేను నేనుగా జీవిస్తున్నాను. సినీ జీవితాన్ని, నిజ జీవితాన్ని వేరు చేసి ముందుకు సాగుతున్నాను’ అంటూ చెప్పుకొచ్చారు అమలా. ఇక తన సినిమా ఎంపికలో కూడా మార్పులు వచ్చాయని చెప్పుకొచ్చారు అమలా.. ఈ క్రమంలోనే పాత్రల ఎంపికలో జాగ్రత్తలు తీసుకుంటున్నట్లు తెలిపారు.
Also Read: Tirumal Hundi: తిరుమల శ్రీవారి హుండీలో పాకిస్తానీ కరెన్సీ.. ఆశ్చర్యపోయిన అధికారులు..
