2021 Summer Movies: వేసవిలో సందడి చేయనున్న సినిమాలు ఇవే.. సన్నాహాలు చేస్తున్న చిత్రయూనిట్స్..

లాక్‏డౌన్ అనంతరం థియేటర్లు తెరుచుకోవడంతో.. సినిమా షూటింగ్‏లను పూర్తిచేసే పనిలో పడ్డారు డైరెక్టర్స్. ఇక ఇటీవల సంక్రాంతి కానుకగా విడుదలైన క్రాక్, రెడ్, మాస్టర్, అల్లుడు అదుర్స్ సినిమాలు

Updated on: Jan 18, 2021 | 4:50 PM

లాక్‏డౌన్ అనంతరం థియేటర్లు తెరుచుకోవడంతో.. సినిమా షూటింగ్‏లను పూర్తిచేసే పనిలో పడ్డారు డైరెక్టర్స్. ఇక ఇటీవల సంక్రాంతి కానుకగా విడుదలైన క్రాక్, రెడ్, మాస్టర్, అల్లుడు అదుర్స్ సినిమాలు థియేటర్లలో కాసుల వర్షం కురిపించడంతో.. మిగతా సినిమాల దర్శకులకు ఊపునిచ్చింది. దీంతో వీలైనంత తొందరగా తమ చిత్రాల షూటింగ్‏లను పూర్తిచేసి.. వేసవిలో విడుదల చేయడానికి తీవ్రంగా ప్రయత్నిస్తున్నారు దర్శకనిర్మాతలు. ఇప్పటికే పలు సినిమాల విడుదల తేదీలను ప్రకటించారు కూడా.

ఇందులో ఇప్పటికే షూటింగ్ పూర్తిచేసుకొని.. కరోనా కారణంగా రిలీజ్‏కు వాయిదా పడిన సినిమా ‘ఉప్పెన’. మెగా ఫ్యామిలీ నుంచి వస్తున్న కొత్త హీరో వైష్ణవ్ తేజ్, కృతి శెట్టి హీరోహీరోయిన్లుగా నటిస్తున్న ఈ సినిమా ఫిబ్రవరి 5న విడుదల కాబోతుంది. ఇప్పటికే విడుదలైన ఈ మూవీ టీజర్‏కు విశేషస్పందన లభించింది. ఇక ఇదే జాబితాలో హీరో సందీప్ కిషన్ నటించిన ‘ఏ1 ఎక్స్‏ప్రెస్’ మూవీ ఫిబ్రవరి 12న విడుదల కానుండగా.. ఆది సాయి కుమార్ నటించిన ‘శశి’ సినిమాలు వేసవిలో విడుదల కాబోతున్నారు. ఇక రానా నటించిన చిత్రం ‘అరణ్య’ కూడా మార్చి 26న రిలీజ్ కాబోతుంది.

ఇప్పటికే దాదాపు షూటింగ్ పూర్తిచేసుకున్న నాగచైతన్య, శేఖర్ కమ్ముల చిత్రం ‘లవ్ స్టోరీ’ కూడా సమ్మర్లో విడుదల కానుండగా.. యంగ్ హీరో నితిన్ నటించిన ‘రంగ్ దే’ కూడా మార్చిలోనే థియేటర్లలోకి రానుంది. ఇక ఏప్రిల్.. మే నెలలో కూడా సినిమా జోరు తగ్గేలా లేవు. హీరో నాని, శివ నిర్వాణ కాంబినేషన్లో తెరకెక్కుతున్న ‘టక్ జగదీష్’ సినిమా ఏప్రిల్ 16న విడుదల చేయబోతున్నట్లుగా ఇప్పటికే అనౌన్స్‏మెంట్ ఇచ్చేశారు. వీటితోపాటు రానా, సాయి పల్లవి హీరోహీరోయిన్లుగా నటించిన చిత్రం ‘విరాట పర్వం’ కూడా సమ్మర్లో రిలీజ్ కాబోతుంది. ఇక యువ హీరో అక్కినేని అఖిల్ నటించిన ‘మోస్ట్ ఎలిజిబుల్ బ్యాచిలర్’ మూవీ కూడా వేసవిలో విడుదల చేయనున్నట్లుగా ప్రకటించింది చిత్రయూనిట్. ఇవే కాకుండా పవర్ స్టార్ పవన్ కళ్యాణ్ రీఎంట్రీతో రాబోతున్న చిత్రం ‘వకీల్ సాబ్’. దీంతోపాటు మెగాస్టార్ చిరంజీవి నటిస్తున్న సినిమా ‘ఆచార్య’ కూడా వేసవిలో విడుదల కానుంది. ఇవికాకుండా హీరో శర్వానంద్ నటించిన ‘శ్రీకారం’ సినిమా కూడా సమ్మర్లో విడుదల కానున్నట్లు తెలుస్తోంది.