పబ్‌జీ మోజులో తండ్రి ఖాతా నుంచి రూ.16 లక్షలు స్వాహా

పబ్‌జీ.. 2018లో రిలీజ్ అయిన ఈ వీడియో గేమ్ కు ఉన్న క్రేజ్ అంతా ఇంతా కాదు. కుర్రకారును ఉర్రూతలుగించే మంచి కిక్ ఉన్న గేమ్. ఇది ఒక్కసారి ఆడితే చాలు.. మళ్లీ మళ్లీ ఆడాలనిపించే గేమ్. ఎంతటివారైన సరే పబ్ జీ గేమ్.. తన వైపు అడిక్ట్ చేసుకుంటుంది. ఈ గేమ్ కి దాసోహం అయిన ఓ యువకుడు తండ్రి జేబుకు చిల్లు పెట్టాడు. ఏకంగా రూ.16 లక్షలకు ఎగనామం పెట్టాడు.

పంజాబ్‌‌ రాష్ట్రంలోని ఖరర్‌‌లో ఉంటున్న ఓ టీనేజర్(17) పబ్‌జీ.. గేమ్ మోజు పుట్టింది. కేవలం తన కోసమే కాకుండా తన టీమ్‌ ‌కోసం యాప్‌ పర్చేజ్‌‌లు చేయాలనుకున్నాడు. ఇందుకు డబ్బులు కావల్సి వచ్చి తండ్రి అకౌంట్ ను తస్కరించాడు. తండ్రి పొదుపు మొత్తాన్నంతా ఒక్క దెబ్బతో తుడిచి పెట్టేశాడు. తమ బ్యాంక్‌‌ స్టేట్‌‌మెంట్ ‌చూశాక కానీ ఈ అబ్బాయి తల్లిదండ్రులకు అసలు విషయం తెలియలేదు. తన తల్లి మొబైల్‌‌ నుంచే ఈ ట్రాన్సాక్షన్లు చేశాడని గుర్తించారు. డబ్బులు తీసిన ప్రతిసారి బ్యాంక్‌ ‌మెసేజ్‌‌లను ఎప్పటికప్పుడు డిలీట్‌‌ చేసేవాడని యువకుడి తండ్రి తెలిపారు. ఎప్పుడూ ఫోన్‌‌ పట్టుకొని ఉంటే ఆన్‌‌లైన్‌ ‌స్టడీ కోసం వింటున్నాడని అనుకున్నామని ఆయన వాపోయారు. తాజాగా తమ బాబును చదువు మాన్పించి ఒక రిపేర్‌ షాప్‌‌లో పనికిపెట్టామని తెలిపారు. సో తల్లిదండ్రులు పిల్లల పట్ల కాస్త జాగ్రత్తగా ఉండండీ..! లాక్ డౌన్ లో ఇంటికి పరిమితమైన పిల్లలు ఏం చేస్తున్నారో గమనించండి.