Wedding Photo Shoot: మన్యంలో విషాదం… పెళ్లి ఫొటోషూట్ కోసం వెళ్లి.. ముగ్గురు మృత్యువాత

Wedding Photo Shoot - Three people drowned: ఆంధ్రప్రదేశ్‌లోని విశాఖపట్నం జిల్లాలో విషాదం నెలకొంది. పెళ్లి ఫోటో షూట్ కోసం వెళ్లి ముగ్గురు మృతి చెందారు. ఈ విషాద సంఘటన

Wedding Photo Shoot Three People Drowned

Shaik Madar Saheb |
Updated on: May 30, 2021 | 7:09 PM

Wedding Photo Shoot – Three people drowned: ఆంధ్రప్రదేశ్‌లోని విశాఖపట్నం జిల్లాలో విషాదం నెలకొంది. పెళ్లి ఫోటో షూట్ కోసం వెళ్లి ముగ్గురు మృతి చెందారు. ఈ విషాద సంఘటన విశాఖ జిల్లా హుకుంపేట సమీపంలో చోటుచేసుకుంది. వీరంతా పెళ్లి ఫోటో షూట్ కోసం అటవీ ప్రాంతంలోని ఓ కాలువ వద్దకు వెళ్లారు. అనంతరం ఫొటోలు దిగేందుకు వాగులోకి దిగారు. అనంతరం ముగ్గురు కూడా ఊబిలో చిక్కుకొని మృతి చెందారు. సమాచారం అందుకున్న స్థానికులు అక్కడికి చేరుకొని పోలీసులకు సమాచారమిచ్చారు.

పోలీసులు సంఘటనా స్థలానికి చేరుకొని మృతదేహాలను బయటకు తీసేందుకు ప్రయత్నిస్తున్నారు. ఈ ఘటనకు సంబంధించి పోలీసులు పలు వివరాలను సేకరించారు. మృతులు మోరి. నిరంజన్ (18), బాకురు వినోద్ కుమార్ (25), తమరబ. శివనాగేంద్ర కుమార్ గా గుర్తించారు. ఈ ఘటనకు సంబంధించి మరిన్ని వివరాలు తెలియాల్సి ఉంది. కాగా ఈ ప్రాంతానికి చెందిన ఓ యువకుడికి ఇటీవలనే వివాహమైంది. ఈ నేపథ్యంలో పలు లోకేషన్లలో ఫొటోలు దిగేందుకు వెళ్లగా ఈ ఘటన చోటుచేసుకుందని స్థానికులు పేర్కొంటున్నారు.