Road Accident: చిత్తూరు జిల్లాలో ఘోర ప్రమాదం.. ప్రైవేటు బస్సు ఢికొని తండ్రీకుమారుడు మృతి

Chittoor Road Accident: కారును ప్రైవేటు బస్సు ఢీకొనడంతో తండ్రీ కుమారుడు ఇద్దరు దుర్మరణం చెందారు. ఈ సంఘటన చిత్తూరు జిల్లాలోని కుప్పం-పలమనేరు జాతీయ రహదారిపై గుడిపల్లి సమీపంలో...

Updated on: Feb 25, 2021 | 3:04 PM

Chittoor Road Accident: కారును ప్రైవేటు బస్సు ఢీకొనడంతో తండ్రీ కుమారుడు ఇద్దరు దుర్మరణం చెందారు. ఈ సంఘటన చిత్తూరు జిల్లాలోని కుప్పం-పలమనేరు జాతీయ రహదారిపై గుడిపల్లి సమీపంలో చోటుచేసుకుంది. జిల్లాలోని వి.కోట మండలం పట్రపల్లికి చెందిన సుబ్బప్ప (65)కు డయాలసిస్ చేయించేందుకు తనకొడుకు కాంతప్ప (43) గురువారం ఉదయం కారులో పీఈఎస్ ఆసుపత్రికి వచ్చి ఇంటికి బయలుదేరారు. ఈ క్రమంలో గుడిపల్లి సమీపంలో అతివేగంతో ఎదురుగా వస్తున్న ఓ ప్రైవేటు బస్సు కారును బలంగా ఢీ కొట్టింది.

ఈ ప్రమాదంలో తండ్రీ కుమారుడు ఇద్దరూ అక్కడికక్కడే మృతి చెందారు. ఈ ఘటన అనంతరం బస్సు డ్రైవర్ పరారయ్యాడు. సమాచారం అందుకున్న పోలీసులు సంఘటన స్థలానికి చేరుకొని సహాయక చర్యలు చేపట్టారు. అనంతరం మృతదేహాలను పోస్టుమార్టం నిమిత్తం స్థానిక ఆసుపత్రికి తరలించారు. ఈ ఘటనపై కేసు నమోదు చేసి పోలీసులు దర్యాప్తు చేస్తున్నారు.