చెల్లితో టిక్‌టాక్‌ వీడియో చేశాడని.. నడిరోడ్డుపై బెల్ట్‌తో కొడుతూ.. నగ్నంగా ఊరేగించి..

టిక్‌టాక్.. ఇప్పుడు ఇది ఇండియాలో ట్రెండింగ్‌లో ఉన్న సోషల్ మీడియా యాప్. దీని ద్వారా షార్ట్ క్లిప్స్ వీడియోలు తీసి.. అప్‌లోడ్ చేస్తూ అన్ని వయస్సుల వారు ఎంజాయ్ చేస్తున్నారు. ఇక ముఖ్యంగా యువతీయువకులైతే.. ఈ టిక్‌టాక్‌లో వినూత్న రీతిలో టిక్‌టాక్‌ వీడియోలను చేస్తూ.. లైక్స్ పొందుతూ ఆనందపడుతుంటారు. అయితే గతకొద్ది రోజులుగా ఈ వీడియోలు తీసే క్రమంలో కొందరు హద్దులు దాటుతూ.. వివాదాస్పదంగా కూడా తీస్తూ.. లేనిపోని ఇబ్బందులను కొనితెచ్చుకుంటున్నారు.

తాజగా రాజస్ధాన్‌లో జరిగిన ఘటన చూస్తే.. ఇక టిక్‌టాక్ చేసే వారు ఖంగుతినాల్సిన పరిస్థితి నెలకొంది. వివరాల్లోకి వెళితే.. తన స్నేహితురాలితో ఓ మైనర్‌ రొమాంటిక్‌గా టిక్‌టాక్‌ వీడియో చేశాడు. అయితే సదరు వీడియోను ఆ బాలిక సోదరుడు చూశాడు. దీంతో తీవ్ర ఆగ్రహానికి గురై.. సదరు బాలుడిని పట్టుకుని బెల్టు తీసుకుని చితకబాదాడు. అయితే అంతటితో ఆగకుండా.. ఆ బాలుడి బట్టలు విప్పించి.. నగ్నంగా ఊరేగించారు. అయితే దీనికి సంబంధించిన వీడియోలు వైరల్‌గా మారడంతో.. సదరు బాలుడి కుటుంబం అవమానంగా భావించింది. వెంటనే ఘటనపై పోలీసులకు ఫిర్యాదు చేశారు. అటు బాలిక కుటుంబ సభ్యులు కూడా సదరు అబ్బాయిపై పోలీసుకు ఫిర్యాదు చేశారు. దీంతో ఇరు కుటుంబ సభ్యులను అదుపులోకి తీసుకుని విచారిస్తున్నారు. కాగా.. ఈ ఘటన ఈ నెల 7వ తేదీన చోటుచేసుకోగా.. ఆలస్యంగా వెలుగులోకి వచ్చింది.