Hyderabad: హైదరాబాద్‌లో మరో దారుణం.. పాలకోసం బయటికి వచ్చిన బాలికపై అఘాయిత్యం..

Hyderabad: మహిళల భద్రత కోసం ఎన్ని చట్టాలు తెచ్చినా వారిపై జరిగే ఆకృత్యాలు మాత్రం ఆగడంలేదు. తాజాగా రాష్ట్ర రాజధాని హైదరాబాద్‌లో

rape case

uppula Raju |

Updated on: Feb 22, 2022 | 8:54 AM

Hyderabad: మహిళల భద్రత కోసం ఎన్ని చట్టాలు తెచ్చినా వారిపై జరిగే ఆకృత్యాలు మాత్రం ఆగడంలేదు. తాజాగా రాష్ట్ర రాజధాని హైదరాబాద్‌లో మరో దారుణ ఘటన జరిగింది. పాలకోసం బయటకి వచ్చిన ఓ బాలికపై కొంతమంది యువకులు అత్యాచారానికి పాల్పడ్డారు. పోలీసులు తెలిపిన వివరాల ప్రకారం.. బోరబండ ప్రాంతంలోని ఓ బస్తీకి చెందిన బాలిక (17) ఆదివారం రాత్రి 8 గంటల ప్రాంతంలో పాల ప్యాకెట్‌ తీసుకొచ్చేందుకు సమీపంలోని దుకాణం దగ్గరికి వెళ్లింది. ఈ సమయంలో అదే బస్తీకి చెందిన శివ అనే యువకుడు (22) బాలికకు మాయ మాటలు చెప్పి సమీపంలో ఉన్న అతడి మిత్రుడు సాయి (20) గదికి తీసుకెళ్లారు. అనంతరం అమ్మాయిపై అఘాయిత్యానికి పాల్పడ్డారు.

సోమవారం తెల్లవారుజామున గది నుంచి తప్పించుకున్న బాలిక ఇంటికి చేరుకొని తల్లికి జరిగిన విషయాన్ని చెప్పింది. దీంతో ఆమె బాలికని తీసుకొని ఎస్సార్ నగర్‌ పోలీస్‌ స్టేషన్‌కి చేరుకొని పోలీసులకి ఫిర్యాదు చేసింది. పోలీసులు కేసు నమోదు చేసుకొని ఇద్దరు వ్యక్తులపై పోక్సో చట్టం కింద కేసు నమోదు చేశారు.